2022年1月17日 星期一

相約於白蘭樹下 @ 白蘭樹下 ( 中環中環街市地下 )

 

剛畢業時,曾經係中環生活了近一年,為了節省十圓八塊,日日頂住大太陽行15分鐘到附近食頹飯,諗起都有血有汗,但這就是生活,奈何!




 

當時經過中環街市不知多少次,卻從來沒進過去,想不到經活化後,竟成了時尚食店、消閒放電及思考人生的潮流地。 其中如心酒店集團旗下,在地下 Dining Ground 就有一喜、白蘭樹下、麥子啤酒、WinelogCITTAI-O-N Café Bar 以及Nina Pastisserie進駐中環街市。



 

家陣就算無晚市,好彩仲有 Happy Hour,今次仲同幾位朋友試下白蘭樹下 Perfume Trees Gin

 






不過收到最新消息係白蘭樹下只在weekend營業,但其他幾間不受影響,可營業至6點,由於酒吧有餐廳牌,所以客人點都要order一樣食物。 畢竟前身係街市,就連Cocktail Menu都充滿了「佬」味,很有趣。

 


涼茶佬($130 

賣相充滿了玩味,真的恰似一碗涼茶,呷落便有驚喜,原來是以茉莉花茶、洋甘菊及、接骨木花以及白蘭樹下Gin調製,芳香的花味在口裡縈繞,淡淡的酒香,令人忘記了一天的勞累,真好。

 


豬肉榮($160 

同樣地又係好有玩味,配搭的煙燻煙肉,放入迷你豬籠內,一口酒一啖肉,盡顯豪情。


 

菠菜蓮($140) 

包括了青瓜、青蘋果、青蘋果、青檸、芹菜、羅勒以及紫蘇葉,有種五青汁的感覺,但更加多了青檸的微酸及白蘭樹下Gin的獨特酒香,很清新怡人。


 

這裡有趣的地方是,只要是在中環街市 Dining Ground 內餐廳,遇上想飲想食的,大可「左買右食」,自由配搭,真的有點似 food hall 的氛圍。

 


既然有酒飲,當然要有佐酒的小食。 今次就選來三家酒吧都有提供的 Bar Food 美食。 先來的炸薯條($25是必食吧!

 

薯條當然是即炸,色澤淡黃,炸得啱啱好,外脆內軟的口感無得輸。



 

Ham Plate$118

有辣肉腸、莎樂美腸及火腿,配搭醃青瓜仔、橄欖以及多士,相當豐富,慢慢食嘆返杯,正好放鬆勞累的一天。

 


黃金魚皮($48

炸得好香口,又不過火,邪惡到一個點,但又忍不了手,吃過不停。


 

蝦多士($68

 

都話可以係其他幾間同集團 Dining Ground 餐廳點小食,拎過黎慢慢享用,蝦多士真係用原隻蝦而非蝦膠,咬落酥化不油膩,有水準。


 

孜然牛舌粒($88

可以話其貌不揚,但食落就知正,外脆內軟牛味濃,佐酒最啱。 


唉!家陣一到日落黃昏就曲終人散,究竟幾時先可以同朋友開懷暢飲呀

 

Facebook 專頁 : Dining Ground

地址 : 中環皇后大道中93號中環街市地下G15A

 

電話 : 9140 8391

 

味道 : 4  環境 : 4  服務 : 4  衛生 : 4  抵食 : 4  位置 : 5

 

如果喜歡這篇文章,請在我的專頁上剔"LIKE",當是給我小小的鼓勵吧!謝謝!

 

http://www.facebook.com/foodiephilip

沒有留言:

張貼留言