沉澱了兩年的「美食嘉年華」，終於復辦了。
這個由香港中華廠商聯合會牽頭的大型活動，由2021年10月29日至11月7日（1030am~1930pm），於葵涌運動場舉行。
門票成人不過$4，而1米以下小童，65歲或以上長者及殘疾人士免費進場，而已接種一劑新冠疫苗人士則可每天下午4時30分後免費入場。
為支持環保，每天首5000位入場人士，可獲環保餐具一份。
今次總共有近270個攤位，由於疫情關係，無奈取消了最受歡迎的飲食區，場內亦禁止飲食或試食，所以只分為四個區域。
「香港原味道」（2區） 屬於新增區域，主要是售賣本地出產的漁農產品。
當中比較多人圍攻就係有即磨大地魚粉（C06~08）;
另外，經常係市面見到既壹品豆腐（C13）;
同樣有本地出產蜜糖同花粉。
「休閒食品區」（1區）是現場最大規模的展區，有近90個攤位。
先講下曾經上過電視介紹既港產醬料，當中麻辣醬及紅魔雞煲醬，都係$100買2送1，咖喱醬$30/樽仲要係供應酒家用（D15）;
另一檔專售馬來西亞特色醬料、貓山王肉及雪條（A31,32）;
墨西哥芝士脆雞塊$10/包及
蝦肉白汁薯餅$20/包， 各限量每日50包 （D38）;
$30/6支菠蘿乳酪（D26）;
$200/任選3包，包括麻辣小龍蝦、酸菜胡椒豬肚、酸菜魚或古法醬皇羊腩煲，仲有$8/6個叉燒包（D03）;
台灣手工醬$100/3件（D11）;
亦少不台灣名店老天祿鴨舌（D36）;
加埋招牌黑椒豬手$100/兩隻（D31）。
「健康養生區」（3區）擁有超過60個檔位，當中有買花膠加1蚊送多一包花膠（B87）;
想養顏，係燕之家有$9/樽燕窩飲同$65/盒精選原木花菇（B88）
「餐飲用具區」（4區）多數是以售賣廚具用品為主。
大會的「推廣大使」找來廚藝了得的黃淑儀女士，當然有即場煮食示範。
至於其他時段，大會亦安排了樂隊、粵劇、跳舞表演之類的娛興節目。
每次美食嘉年華或工展會都有抽獎活動，今次亦不例外，入場人士只要在場內找位印章檯，把印蓋在場刊指定位置上，便可參加抽獎。
行到悶又有攤位遊戲比大家郁下手腳。
值得一讚是大會安排了不少有蓋坐位，長者無須受日曬雨淋之苦。
或許大家會覺得規模及不上維園工展會，往往有近兩層高的Booth，又沒有工展小姐選舉，但可以講一句~「麻雀雖小，五臟俱全」，貨物種類亦夠多，逛一圈花上半天毫無難度，加上近日天氣涼涼地，地點就在地鐵站對面，相當就腳，有時間不妨去睇睇。
官方傳送門 : 美食嘉年華
如果喜歡這篇文章,請在我的專頁上剔"LIKE",當是給我小小的鼓勵吧!謝謝!
