瑞典品牌 Sudio ETT 無線耳機初體驗

 

自從退休後真係好注重健康，每天跑步減肥少不免，但齋跑又真係「悶出個鳥來」，所以每次都會打開手機，邊跑邊聽歌。

但問題來了，因為用上傳統的耳機，掛在耳蝸的收聽器，往往會被手觸碰而跌落，都是一件幾麻煩的事。

相信一個無線耳機正是解決問題的好方法。

近日試了來自瑞典耳機品牌 Sudio 的產品，真正體驗了零束綁的感覺。

今次選擇了 Sudio Ett 系列的黑金色，其實共有五種顏色供選擇（黑/白/粉紅/綠及黑金）。

產品以快遞方式送上，打開原裝盒要撕走封條，確保是第一手貨。

內裡有包含配襯不同耳形的耳套、充電線及無線充電器等配件，而且非常細小，帶出街好方便。

而在7月11日前訂購，隨單贈送冰島藝術家 Andrea Maack 聯名設計的環保棉質反光 Tote Bag，亦會隨產品一併送上。

首先將無線耳機放入耳機盒內，再插上USB線，就可以充電，而耳機盒亦會亮起白點作指示，充電完畢就可以帶出街用啦！

由於是無線耳機，所以先打開手機「藍牙」裝置搜尋，見到「Sudio Ett」字樣，按入連接就大功告成。

翻看資料，設計上具有國際通用的防水級別認證達 IPX5，就算踫上雨天問題都不大。

而另外有 Active Noise Cancellation 降噪科技，更是令雜音減少，大可專心聽歌，又或是跟朋友對話而不受騷擾。

其實廠方近日推出了多重優惠，只須在官網  ( 產品官網：https://www.sudio.com/hk/ett-white )  於「我有優惠碼」中輸入「4209SudioEtt」，就可以獲得85折優惠。

而且只要購買 Sudio 產品三個月內係 Sphere ( 相關連結   :   https://www.sudio.com/hk/sphere  )  註冊產品即刻享受長達三年的保養，真係照顧周到。

其實若果想睇下相關產品，其實好多零售商都有出售，大家不妨親身去睇下。

希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!

 

http://www.facebook.com/foodiephilip

米芝蓮級火鍋 @ 豐生水起 ( 大埔 )

 

香港人真係好鍾意「打邊爐」，無論天氣去到30幾度都好，最多開「行」冷氣機，照樣淥一餐！

就算閣下幾鍾意打邊爐都好，都希望食物種類多、質數好、湯底正，如果加埋環境佳、服務貼心就更加無得輸啦！

大埔雖然係舊舖，但食店新舊林立，有不少仲係卧虎藏龍之輩，而今次就介紹一間湯底超正既火鍋店「豐生水起」。

其實食材好，都要處理得宜先有用，而「豐生水起」的主理人，正是曾獲米芝蓮一星榮譽的陳國強師傅。

雖然餐廳位於大埔，其實係太和火車站行過去都不過是十分鐘左右腳程，若果是有車人士仲方便，因為門前是露天咪錶位，非常方便。

餐前先調教自己專屬醬油，很欣賞店方為了確保衛生，以自家機器作獨立包裝，又真係好少見。

既然目標是火鍋，當然要先點湯底吧！

經朋友大力推薦，先來黃湯鴛鴦花膠雞鍋（$268/小，$398/大），內裡放滿了花膠及魚肚，加上三黃雞、老雞、上肉及金華火腿熬足十多個小時，根本就是煲翅的方法，呷一口， 嘴唇竟然有黏口的感覺，骨膠原都跑到湯裡去，鮮甜到一個點， 花膠及魚肚滋補養顏，對女士尤其好功效，喝多兩杯毫無難度。

即場仲有新鮮清遠雞加持，大火滾五分鐘後轉細火，雞肉保持嫩滑而且雞味濃郁，這個火鍋湯底可說是無出其右。

杏汁燉白肺湯鍋（$238）

另一個湯底同樣不得了，先將豬肺、瘦肉及雞腳燉足四小時，上檯時再加入杏汁，乳白色的湯底散發陣陣杏仁香氣，豬肺燉至軟腍，雞腳的骨膠原亦通通跑到湯裡去，比起坊間名店毫不遜色，超正。

肉類

選擇當然多，只簡單的選了幾款。

新鮮本地手切牛頸脊（$248/小，$368/大）

個人最喜歡的部位，牛花平均而肉味濃郁，又有嚼口，必食。

新鮮本地手切牛邊抓（$268）

問我係乜？又真係搔爆頭，翻看資料，原來牛邊抓是在肋骨位，屬於包圍腩位的肌肉，色澤比較深，脂肪較多，吃起來特別富油香。

豐生豚肉盛（$238）

當中已包含了日本鹿兒島豬腩片、西班牙黑毛豬海頭肉片及西班牙黑毛豬肋條。

對於戒食牛肉的朋友，又多了一個選擇。

如果喜好油香的，個人推介豬腩片，至少無須淥太耐嘛！

海鮮

極品海鮮盛（$308/兩人份，$688/4人份，$988/6人份）

配料好豐富，有龍躉片、肉蟹、鮑魚、海蝦、扇貝及蟶子，全部都係新鮮貨，食材好已經贏在起跑線上。

丸類

八福臨門鮮打丸盛（$98）

心多的朋友，鮮打丸盛未嘗不是一個上好的選擇，8款丸是鮮蝦丸、墨魚丸、鮮牛丸、豚肉丸、鮮雞丸、羊肉丸、潮州魚丸及鯪魚丸，至少試完先考慮追加邊一款。

餃子

仗著人多，先後試了北京餃子（$68）、韭菜餃（$68）、京蔥牛肉餃（$68）及小籠包（$68），可以各適其適，自己就比較喜歡小籠包，咬落滿是肉汁，比起傳統食法，又是另一番滋味。

豆品組合盛（$68）

已經有齊豆卜、響鈴及腐竹，真係人多好辦事。

若果對火鍋沒興趣，「豐山水起」的小菜亦有上佳的表現，絕不會令人失望。

紫菜墨片頭（$78）及黃金炸魚皮（$68）

兩道都是佐酒菜，炸得好香口而不會過火，當然，黃金魚皮會比較邪惡，但偶爾一次無妨吖。

陳廚羊肉串（$38）

真係要食得辣先好點，羊肉的羶香不算澎湃，但辣勁卻是不得了，大前題係先來一杯啤酒保底。

火焰砵酒焗桶蠔（$188）

用錫紙包裹去焗，上菜時澆上砵酒再點火，空氣中瀰漫了酒香，桶蠔大大隻又香口，送啤酒一流。

拔絲脆皮菠蘿咕嚕肉（$148）

又是一道處理得相當有水準的菜色。

咕嚕肉裹上一層薄薄的脆漿，就算掛滿了醬汁，咬落依然脆口，甜酸度的拿捏亦夠平均，用上新鮮菠蘿更見誠意，不過個人就不太喜歡灑上芝麻，以及用開邊菠蘿作盛具，簡簡單單已經好足夠。

生炒臘味糯米飯（$138）

炒得夠乾身有嚼勁，醬油緊緊包裹了每顆飯粒，又有臘味的油香，正如一句「我好飽，但無話食唔落喎」！

甜品

椰汁燉雪燕（$38/位）

餐後再來一碗homemade中式甜品，清甜可口，今次的確大滿足。

地址 : 大埔翠和里5號麗和閣地下F號舖

 

電話 : 2728 0668

 

味道 : 4  環境 : 3  服務 : 4  衛生 : 4  抵食 : 4  位置 : 3

 

希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!

 

http://www.facebook.com/foodiephilip

你的專屬咖啡 @ Nina Patisserie ( 荃灣西如心酒店 )

 

每次去荃灣探囝囝契爺契媽，差不多都會係 L'Hotel 食晚飯，噢，對不起，家陣應該叫「荃灣西如心酒店」。

除了改名，當然要帶來轉變，先可以給大家新意，而當中一個驚喜，可算是在酒店大堂開設 「Nina Patisserie」。

畢竟是自家地頭，餅房出品可直抵 Nina Patisserie，既可以穩定品質，又可以保持貨源及新鮮度，而毗鄰巴士總店的乘客、附近的居民，又或是酒店住客，從此又多了一個落腳點。

Nina Patisserie 開設於酒店大堂中央，座位間非常闊落寬敞，令人感覺舒適。

咖啡

拉花Latte毫不出奇，但一杯有妳專屬名字的拉花又如何？當然，大前提是店員要有空閒時間吧！

鮮薑檸檬蜂蜜

想透心涼的，介紹一杯鮮薑檸檬蜂蜜，薑末的辛香、檸檬的清新與及蜂蜜的甜美，正是消暑解渴的妙品。

酒店近年推出的蝴蝶酥，絕不比坊間幾間名店遜色，而且有原味、黑白芝麻味、黃金鹹蛋黃味及朱古力味4款口味，家陣無須預訂，行開附近隨時都買到，真係方便好多，尤其是今日飲咖啡，已經送兩片比妳。

最緊要係只要免費成為Vivva 會員，由即日起至2021年6月30日於Nina Patisserie即可享3重優惠:

1. 如心蝴蝶酥買3送1 、

2. 購買蛋糕(1磅或以上)或堂食可享7折

3. 購買任何咖啡可獲贈蝴蝶酥2件

（登記傳送門 :  https://bit.ly/2S73Kon ）

雜莓拿破崙（$45）及士多啤梨拿破崙（$45）

店方甜點種類好多，先講下兩款拿破崙，水果的酸度與吉士醬的甜度恰好，而夾層酥皮亦酥化，有水準的出品。

伯爵茶慕絲蛋糕（$38）

有我最喜歡飲的伯爵茶口味，當然不能錯過，慕絲質感幼滑，伯爵茶中的香氣適中，配上一杯咖啡啱啱好。

熱情果慕斯蛋糕（$38）

而熱情果慕絲就多了一分酸度，正好平衡了甜膩的感覺。

沙律（$78）

若果對甜品興趣不大，又或者on diet中，可以考慮沙律，論配料真係好豐富，有蝦仁、杏桃、香橙、有superfood美譽既藜麥與及健康既羽衣甘藍，口感清爽脆，酸酸地真係好開胃。

三文魚貝果

同樣好豐富，中間餡料是煙三文魚、沙律菜、生菜片及紅洋蔥圈，食一個已經夠頂一餐。

其實 Nina Patisserie 仲有 Afternoon Tea Set，想同朋友消磨時間，又係一個好好選擇。

酒店專頁 : 荃灣西如心酒店

Facebook 專頁 : Nina Patisserie

地址 : 荃灣楊屋道8號荃灣西如心酒店地下大堂

 

電話 : 5330 5315

 

味道 : 4  環境 : 4  服務 : 4  衛生 : 4  抵食 : 4  位置 : 5

 

希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!

 

http://www.facebook.com/foodiephilip