味覺的二重奏 X 龍蝦龍躉片皮鴨 @ 國金軒 ( 尖沙咀美麗華酒店 )

 

ABCD」餐,你會點選擇?

家陣對餐廳而言真係兩難,客人組合千變萬化,餐廳就要相應遷就,真係玩死。

有時心諗,不如乾脆分兩檯好地地,無謂攪到餐廳無所適從,反正大家都習慣了四人一檯。


好似尖沙咀美麗華酒店國金軒,最近推出了「海陸二重奏」套餐,就啱啱好供四位用。

整個套餐只須$1688/四位用,而供應期直至531日(52日至9日)除外,逢星期日至四晚市堂食。

京式片皮鴨(半隻)

Roasted Peking duck (half piece)

原隻烤好即上,師傅片鴨時,鴨身時仍在冒煙,多口問句師傅,半隻鴨只能片12片左右,最厲害係師傅片得工整,而且速度快,享用時仍有餘溫,用麽麽皮包好,加上京蔥及海鮮醬,入口滿是油香,好味。

生菜包鴨崧或涼瓜炆鴨件

Stir-fried duck meat with lettuce wrap or

Braised duck with bitter melon in black bean garlic sauce

至於鴨殼兩食可以選擇炒鴨崧或者用涼瓜炆。

重任當然交波比同行女士。

炒鴨崧用新鮮生菜包住食,清新爽脆中夾雜鴨香,又是另一番滋味。

天白花菇竹笙菜膽湯

Double-boiled vegetables soup with Chinese mushroom
 and bamboo piths

揭開蓋是陣陣醇香,湯色清澈,菜膽入口即化,已是火喉的印證,很喜歡竹笙帶有湯汁的口感,花菇又肥大肉厚,四個字形容~「真材實料」。

上湯焗澳洲龍蝦

Baked Australia lobster with superior broth

近月龍蝦成了席上新寵,菜色既多又新鮮。

龍蝦肉質看得出的飽滿彈牙,絕對是新鮮貨,蝦肉扣上了上湯,份外覺得惹味。

清蒸沙巴龍蔓

Steamed Sabah giant grouper

用上一斤鬆少少的「條頭班」,蒸得恰到好處,肉質在最佳狀態,豉油調教得好,令魚肉提鮮,蔥花更是必食之物。

瑤柱蒜子濃湯泡鮮蔬

Poached seasonal vegetables with garlic and

conpoy in superior broth

好多人話「無雞不成宴」,但個人覺得應該係「無菜不成宴」,人大了就更加注重健康,用濃湯泡浸莧菜,加入炸過的蒜子來增加香氣,不單可口,仲會食得健康。

欖菜龍皇蛋白翠玉絲苗

Fried rice with seafood, preserved vegetables and egg
 white

炒得好乾身,碟底沒多餘油份,飯粒粒顆分明,欖菜份量下得剛好,蛋白亦恰如其分,帶來了蛋香,單尾能吃上一碗,實在是大滿足。

生磨蛋白杏仁茶

Sweetened almond cream with egg white

杏仁茶甜度輕盈,陣陣幽香,喝起來齒頰留香。

另外,大家意猶未盡,在常聚共饌menu中,追加了子薑鳳梨咕嚕肉及特色小炒皇(每款都是$188)。

咕嚕肉甜酸汁調教得啱啱好,兩者好平衡,而咕嚕肉外層仍有微脆的口感,子薑辣辣地,正好刺激了味蕾。

至於小炒皇,韭菜花吸收了燒肉的香氣及肉汁,變得好惹味,置面的炸白飯魚,香脆可口,用來配啤酒又是一流。

酒店專頁 :  The Mira, Hong Kong

 

地址 : 尖汁咀彌敦道118The Mira Hong Kong 3

 

電話 :
2315 5222

 

味道 : 5  環境 : 5  服務 : 5  衛生 : 5  抵食 : 4  位置 : 5

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

母親節精選套餐 X 5000魚魚陪伴妳 @ 海龍王餐廳 ( 海洋公園 )

 

數數手指,原來仲有兩星期就已經母親節,疫情下,飲餐茶都有限聚令,搵地方食飯好頭痛。


今次又有好介紹,早幾個星期去過海洋公園裡的海龍王餐廳,享用了陳國強師傅主理的星級套餐,都不用$400,老實講,單係坐係個擁有5000條魚既魚缸旁邊用餐,全港獨一無二,環境已經值返一百幾十,好過去連鎖集團酒樓逼餐死,仲要限時限刻,有車階級仲要四圍搵位。

好多人仲係好根深蒂固,以為去海洋公園好遠,其實係金鐘地鐵站過去,只係一個站,快捷到不得了,如果6點後入場,不單免費,若果是有車朋友,加插埋免費泊車,夠未?仲未夠?得,餐廳食飯免開瓶費,試諗下,平日Fine Dining開枝酒,閒閒地又收你一百幾十啦!小數怕長計,樣樣都係錢,對嗎?

今次率先試了餐廳推出既母親節温馨晚市套餐(Mother’s Day
Heart-warming Set Dinner (For Four)
(四位用)$1,480),計落人均都係$400左右,若果要加位,都只是$370,係母親節大日子,都無話開天殺價。

而供應日期及時間:202151日至9:下午5時起供應。

前菜

Appetizer


酸薑皮蛋

Preserved Eggs with Pickled Ginger

很傳統的風味,皮蛋少許溜心,sauce帶川菜的麻辣,但放心,只是輕輕帶過,近乎不著痕跡,反而酸薑仲辣,不過幾開胃。

涼拌淮山蒿筍

Cestuses and Yam with Sesames Sauce

淮山同萵筍切成細條,澆上芝麻醬,清甜爽口,不錯。

金磚豆腐

Deep-fried Bean Curd with Garlic

炸得色澤金黃,而內裡依然嫩滑,個人就較喜歡再乾身些少。

鍋巴雞絲

Shredded Chicken in Sweet and Sour Sauce on a Crispy Rice Cake

雞絲加入洋蔥,亦是帶川菜的麻辣,建議大家快食,因為置底的鍋吸收了水份,便變得無咁脆口。

Soup

姬松茸燉花膠湯

Double-boiled Agaricus Blazei and Fish Maw

自己很愛喝湯,尤其是很少在家弄的燉湯,總是覺得要花整天時間睇火,所以一有機會,自然多加幾分欣賞。

一揭開湯盅,已瀰漫陣陣姬松茸的幽香,湯色清澈,湯料的味道都融入湯裡,入口醇厚馥郁,正。

Main Dish



京蔥炒A4和牛

Stir-fried A4 Wagyu Beef with Scallion

同行幾位女士都大讚,因為京蔥的香氣緊緊地包圍了和牛粒,而牛肉粒的油香亦掛在京蔥上,兩者如魚得水,肉粒咬落仲帶有肉汁,質地幼嫩,唔知點解,突然間好想加碗熱辣辣既白飯。

香草焗鱸魚柳

Baked Sea Bass Fillet with Fresh Herbs

French or South Georgia U.K. Sea Bass

另一道望落平凡,但食落出色的菜色,聽聞是大傳見工時的 signature 餸。

魚肉本身好香魚味,邊位魚皮焗至脆卜卜,灑上紅椒絲,更是神來之筆。

百合蟹菘上湯泡菜苗

Poached Crab Meat and Lily with Baby Spinach in Supreme Broth Alaskan King
Crab Meat

豆苗鮮嫩翠綠,沾上了皇帝蟹肉上湯更加鮮甜,食完濃味食物,清清地都好啱。

海皇炒飯

Fried Rice with Assorted Seafood

Australian Lobster,  Canadian Scallop and Chinese Conpoy

炒得好乾身,碟底無多餘油份,粒顆分明,餡料有蝦肉同帶子,個人覺得可以加入菜頭,令口感更佳。

Dessert

燕窩鮮奶焗蛋

Baked Milk and Egg Pudding Topped with Bird’s Nest

中式套餐都要有甜品壓軸。

擺盤一上,是完全切合主題~「母親節」。

用糖霜灑成母親抱起孩子的剪影,帶出了母親的關懷備至,中間是時令水果,另一邊是表面烘至焦香的鮮奶焗蛋,上面放以燕窩及金箔,望落更顯矜貴,而且甜度輕盈,啱啱好。

Facebook 專頁 : Ocean Park Hong Kong


海洋公園網頁


地址 : 香港仔海洋公園夢幻水都海洋奇觀

 

電話 : 3923 2161 / 3923 2162

 

味道 :
5 
環境 : 5 
服務 :
5 
衛生 : 5 
抵食 :
4 
位置 : 4

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

和牛專列快線 X 獨家「小田和牛」 @ 和牛燒肉一郎 ( 佐敦 )( 附短片 )

 


每次去旅行,不論日本、台灣或韓國,都一定會找間烤肉店試試,六歌仙、馬場洞同乾杯都不知留下了多少足跡。



當聽到佐敦有新烤肉店逆市開張,而且是少見的「小田和牛」,早已經蠢蠢欲試。



餐廳佔了全層,門前的半腰玻璃,可以睇到廚師在處理牛肉。


在大門口處,有官方的認證及出口證,令人更添信心。


餐廳走簡約風,設有廂房及卡位,但若然想試一下「新幹線」的滋味,就要在訂位時講低。


餐廳有A~F的不同套餐選擇,當然價錢同肉類質素會有差異,但豐儉由人。


畢竟自己係「牛魔皇」,難得有香港少見的「小田和牛」,當然要去盡。


F」餐係涵括了所有肉類,如果想抵食少少「D」餐都是一個不錯的選擇,都已經可以食到部份「小田和牛」。


和牛專列快線


前菜

泡菜盛合與涼拌小食盛合

都是以韓式為主,不外乎是漬青瓜、辣蘿蔔、菠菜、泡菜及芽菜之類,而且份量不多,正好用來開開胃口。


盛合系列



先來一個「舟·盛合」

內裡已經有美國和牛、澳洲和牛、日本產豚肉、日本產雞肉、海鮮及野菜,當然有一片豬油供客人塗抹在金屬網上。


而選用部位由牛里脊肉、牛肋肉、牛肋條肉到牛外橫隔膜。


當中最喜歡牛外橫隔膜,因為都好少機會食到,至於牛肋條肉,在食用時就要用較剪剪開。


是日寳箱或鹿兒島黑毛牛特選盛合(七款)

由於店方是把整隻牛購入,所以好多特別部位都食到。


自己心多,想試多幾款肉,就選了特選盛合。


而盛合就由卡座旁邊的「新幹線」專列送上,期間在煙霧縈繞中飛馳,充滿了玩味。


由高至低是牛肋間肉、西冷、三角腹肉、內側後腿肉、肉眼、牛肩肉及三筋


盛皿是一條木梯級,由上而下擺放,同樣地放上肉類牌供分辨,好讓客人按自己喜歡的部位,方便之後的追加。


個人而言偏好油花較多的三角腹肉,肉味濃郁,烤時更經常冒起火花,油香四溢,加埋一杯冰凍啤酒,是絕配。


和牛壽司



壽司類有牛大腹肉壽司及生牛肉壽司,能充分感受到牛肉的質感與味道,又是另一種享受。


將半熟蛋拌均,然後把生牛肉用火槍炙過,逼出油香,再沾上蛋漿,口感豐腴,這個「灸燒壽喜燒壽司」真邪惡。


飯或拉麵

套餐內有幾款澱粉質食物,飯類有香蔥海苔溫泉蛋拌飯、壽喜燒牛肉丼或燒肉丼,而麵類就有辛辣牛肋肉拉麵、博多豚骨拉麵或冷麵。

今次試了壽喜燒牛肉丼同博多豚骨拉麵。


質素當然未能質專門店比,但已經不錯,不過都幾大碗,隨時吃不完,建議可以細碗小小,避免造成浪費。


客人亦可另加$68/平日或$78/假日,便可享用所有沙律、飲品及甜品,當中最吸睛的,一定係強大既雪條陣容。


沙律



如果食得太多牛,感到開始膩,不妨食少少沙律,清清味蕾,有新鮮水果沙律、柚子明太子凱撒沙律、螺絲粉沙律、健康蔬菜沙律及健康雜豆沙律,全部獨立包裝,保證衛生。


飲品

飲品凍櫃有大量不同口味飲品,芒果汁、雜果賓治、蘋果蘆薈、橙汁、士多啤梨汁、菠蘿汁、熱情果汁、西柚汁、金桔檸檬汁及蘋果汁,總有一款啱妳口味,只怕閣下有選擇困難症,會難以決定。


當然會有芬達、可樂雪碧同忌廉呢類比較popular既飲品,但有得揀,就一定係飲果汁。


雪條陣容可以話見過最強勁的。


試睇下,有井村屋紅豆味雪條、明治角10棒四方雪條梳打味、明治藍莓乳酪味雪條、明治煉乳紅豆雪條、井村屋牛奶金時雪條、明治栗子紅豆雪條、日本樂天北海道雲呢拿味雪條與及鹿兒島Seikea南國白熊雪條,係咪誇張到一個點呢?

地址 : 佐敦佐敦道31-37號百誠大廈3

 

 

電話 : 2736 8218

 

 

味道 : 5  環境 : 4  服務 : 3  衛生 : 4  抵食 : 3  位置 : 5

 

 

希望各位喜歡這篇文章的朋友請在我的專頁上剔“LIKE”當作小小的鼓勵吧!

 

謝謝!

 

 

http://www.facebook.com/foodiephilip

Tripadvisor No.1 的實力 @ Corner 18 ( 天后如心銅鑼灣海景酒店 )

 


位於銅鑼灣的如心酒店,自從由行政總廚瞿淼師傅主理後,好評如潮,上年已試過師傅的手藝,竟然將「任點任食」晚市套餐,每碟都打造成 Fine Dining 一樣,而餐廳更於今年 Tripadvisor 網上中過萬間香港餐廳排名榜內進佔第一位,可想而知,師傅的實力是得到認同,實在值得恭喜。



而餐廳方面更推出三重優惠:凡惠顧精選套餐,可獲八折優惠(一至三人)、每三位送一位(四人)及於社交媒體上打卡簽到,每位顧客便可免費獲贈精選氣泡酒乙杯。

上半年已經品嚐過師傅的手藝,今次一於又再同朋友舊夢重溫。

雖然是居於首位,但餐廳定價又不會離地,以主廚精選晚市套餐而言,每位都只是$580,就算加埋一,都是$650以內,難怪是平日晚上,餐廳都差不多全滿。

餐前先享用幾款麵包組合的麵包籃,微溫下質地鬆軟,塗上牛油更可口。

前菜是「香煎北海道珍寶帶子配南瓜扁豆沙律」,帶子肥大肉厚,煎至兩邊微焦,但內裡肉質幼嫩,置底的沙律清新甜美,翠綠新鮮,我鍾意。

西湯中,自己最愛龍蝦湯,其次係洋蔥湯,其實說穿了,都是喜歡味道鮮甜。

雖然是套餐,但「龍蝦湯」份量十足,尤其是舀一下,真的有龍蝦肉,而且仲好爽甜,creamy的質感份外濃稠,喝起來,每口都是龍蝦的香味。

主食是「西班牙火腿牛肝菌黑松露扁意粉」,意粉煮至al dente更是啱我胃口,每條麵條緊扣牛肝菌的幽香,拌著西班牙火腿一齊食,更添上一份鹹香。

主菜有牛、羊及魚的選擇,自己係「牛魔皇」,當然要「炭燒美國肉眼扒配火箭菜沙律及黑醋汁」

肉眼是最愛的medium rare,帶嫣紅的色澤,一睇已知對辦,肉質鬆軟有嚼口,處理得相當準繩。

朋友就包辦了「香煎小鱗犬牙南極鱈魚配甘筍、露筍及甜酸汁」與及「炭燒紐西蘭羊架配炒雜菌及黑松露醬」

作為Fine Dining,又點可以無甜品呢?

「車厘子梳乎厘焦糖布甸配雲呢拿雪糕」賣相不錯,置底是紅酒浸過的車厘子,中間是雲呢拿雪糕,最面是烘至微焦的布甸,伴碟是兩條脆條,帶來了味覺三重奏,芳香馥郁,又係必食。

餐後慢慢呷著伯爵茶,讓佛手柑的香氣在舌上徘徊,這個晚上真美好。

地址
:
天后英皇道18號如心銅鑼灣海景酒店1

 

電話 : 3553 2667

 

味道 : 5  環境 : 4  服務 : 5  衛生 : 5  抵食 : 5  位置 : 5

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

Staycation 專享蟹宴 @ 龍苑 ( 尖沙咀金域假日酒店 )

 


兩日一夜的 Staycation,晚餐不假外求,就選擇了「龍苑」中菜廳。



老實說,自己早兩年的大圍生日飯局及當年為老媽擺的壽宴,都是選擇了「龍苑」。


本身酒店Staycation並不包晚餐, 但酒店方面推出優惠,只要是Staycation住宿客人,可以另加$700,便能享用特意推出的蟹宴,而且更是兩大兩小的份量。


菜譜MENU



香酥荔茸炸釀蟹鉗

Deep-fried Crab Craw Stuffed with Taro Pastries

蟹鉗是會按人頭計,所以兩大兩小享用就最抵。

荔茸推得幾滑,芋味亦香,唯一要挑剔係蟹肉偏少。


紅燒蟹肉海皇羹

Braised Crab Meat Soup with Mixed Seafood

好足料,湯底鮮甜,蟹肉少不了,仲有竹笙、蝦肉同黃耳,口感複雜,我鍾意。


亞拉斯加長腳蟹蟹腳椒鹽焗

Deep-fried Alaska King Crab Leg in Spicy Salt

原隻去半殼焗,用筷子輕輕一挑,原條蟹肉便剝落,蟹肉沾上了濃郁的蒜香味,辣辣地好惹味,真係好想配返杯啤酒。


蟹粉扒時蔬

Braised Seasonal Vegetable with Crab Roe

好多蟹粉,將整碟菜都蓋過了,西蘭花爽脆可口,好味。


薑米蟹肉瑤柱炒飯

Crab Meat Fried Rice with Diced Ginger and Conpoy

龍苑菜色一向紥實,飯粒炒得好乾身,吃得出蟹肉及瑤柱,口感豐富,少許薑米的辛勁,刺激了味蕾,令人更加開胃。


黑糖薑茶湯圓

Sweetened Ginger Soup with Glutinous Dumpling

每碗兩粒,份量啱啱好,而且辛勁輕盈。


雪糕

Haagen-Dazs Ice Cream

可以問下服務員是日有什麼口味,因為日日都不同,獨立包裝夠衛生。

Facebook 專頁 : 金域假日酒店


地址 : 尖沙咀彌敦道50號金域假日酒店低層1

 

電話 : 2315 1006

 

味道 : 4  環境 : 4  服務 : 4  衛生 : 4  抵食 : 4  位置 : 5

 

如果喜歡這篇文章,請在我的專頁上剔“LIKE”,當是給我小小的鼓勵吧!謝謝!

 

http://www.facebook.com/foodiephilip

食在廣州 廚出鳳城 @ 鳳城1954 (九龍灣)

 


還記得十年前的一個星期,跟幾位食友在聊天室吹水,說起鳳城的焗西米布丁,竟然一呼百應,即時相約午膳,事情當然不會就此完結,第二日大家正在回味之際,竟然又發起去另一間鳳城,可想而知,大家對「食」的熱衷。


早前跟幾位食友相約了九龍灣鳳城飯聚。


餐廳以順德菜為主,的確勾起了不少童年回憶,無他,因為老爸每逢喜慶日子,都愛選擇順德菜。





燉螺頭湯($58

以紫砂茶壺奉上,份量雖然較少,但每口都是精華,芳香醇厚,令人齒頰留香。


1954蝦多士($40

揉合了中西特色的蝦多士,麵包炸得鬆化可口,但略微過了火,蝦肉是預期的爽彈。


今次以順德菜主打,炸鮮奶($68/6件)及野雞卷($68/8件)是少不了。



原先要以水牛乳作料的炸鮮奶,今日已難求,但在大廚的巧手下,倒也似模似樣。



至於野雞卷炸得酥脆香口,雖然好邪惡,但偶爾一件都可以。



金皮炸子雞($298

選用新鮮雞,質素已勝一籌,炸得雞皮脆卜卜,而雞肉保持嫩滑,自己倒是食了不少。


孔融釀蟹蓋($232

溶化了芝士,烘得表面焦香,內裡是豐腴的蟹粉,都幾足料,喜歡蟹蓋的朋友,大可一試。


金叵蘿蟹鉗($232

很飽滿紮實,咬落彈牙,蘸點一下甜酸汁更吸引,不過都幾熱氣,真係一件起兩件止。


蜆介鯪魚球($56/5件)

或者有人會怕蜆介的味道,又或是魚球有碎骨,其實只要懂得欣賞,自然感受到魚香及鮮味,至於碎骨的問題,食得小心一點就可以啦!


雞油豆苗($128

遇上當造的豆苗,用雞油炒翠綠幼嫩,超正。


杏仁茶($36

甜品是杏仁茶,好香杏仁味,甜度輕盈,好啱自己怕太甜既人。


係香港能找到食順德菜的中菜館感覺是越來越少,或者我們真的要好好珍惜這個飲食文化。

地址
:
九龍灣宏照道38號企業廣場5MEGABOX76

 

電話 : 39052299

 

味道 : 3  環境 : 3  服務 : 4  衛生 : 4  抵食 : 4  位置 : 3

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

3折入住Holiday Inn Golden Mile Hong Kong X 免費享用「Executive Club」 @ Holiday Inn Golden Mile Hong Kong

 


今次入住尖沙咀金域假日酒店酒店,經網上訂購,包兩大兩小套票,周末入住都不過七百多元(平日更是$638起,已含10%服務費),已經包含了早餐及在「Executive Club」享用「黃昏小點」,若然想在「龍苑」吃最新的蟹宴的話,只需要另加$700,如果對中餐興趣不大,又可以選擇意大利餐廳Osteria的龍蝦餐。


套票房間提供了兩張雙人床,房間簡潔,由於疫情關係,預先已放置了「安心包」 ,內裏有衛生濕紙巾、口罩及消毒搓手液,而自助水吧就有Dilmah的茶包提供, 由於是地理關係所以景觀多數是街景。

很欣賞酒店方面提供了軟硬兩種不同質感的枕頭 ,感覺良好 。

至於浴室,提供了企缸, 亦有一次過的個人衛生用品,但沐浴露並非 一次性。

下午入住後就可以到B2樓層的Executive Club休息一下。

今次入住其中一個亮點,就係Executive Club lounge 動力全開, 只要係入住期間可以隨時隨地入嚟飲杯嘢(
當然係指開放時間07002200 ), 除了常見既可樂、雪碧、加士伯同青島之外,
仲有sparkling water soda waterDry Ginger Ale tonic water、 即磨咖啡,更勁既係可以任飲紅白酒,今日我就狂飲Las Huertas Cabernet Sauvignon 2018

到了下午6時的「黃昏小點」時段,又來一個華麗轉身,會增加13枝烈酒供大家享用,喜歡飲返兩杯既朋友,真係可以流連忘返,就連太太都試下飲杯
DEWAR’S” 既 “White Label”。

至於食物有青椒粒忌廉汁肉丸、椒鹽豆腐、意大利雲吞與及印度烤魚。

仲有cold cut、芝士拼盤、壽司及沙律,當然少不了甜品,雖然只得牛奶布甸及雲石芝士餅,但以輕食來說真係好豐富。

基本上每日有1800一場,如果人多參加,就會另加1600一場,大家可在辦理入住時問下。

慢慢嘆返兩杯之後,晚餐就選擇了「龍苑」

雖然要加$700,但覺得物有所值,因為有蟹粉、椒鹽長腳蟹、海皇羹同蟹肉炒飯。

食完飯又可以去健身室做運動出身汗。(開放時間為早上5:30至晚上11時)。


健身室位於19樓,客人要搭電梯到18樓,再行樓梯上一層。

健身室都幾大,有成十部機,每兩部機有透明膠片隔開,做足防疫措施。

做完運動去瞓覺份外覺得舒服。

一早起身又可以去對面九龍公園行下,又或者去絕對少人既「驚安」掃下貨。

早餐原先係「Executive Club」食,但逢星期日因為住客較多,就會轉場地去 Bistro on the MILE

其實真係好豐富,亦以中式口味為主,除了中式粥品點心外,即製奄列煎蛋少不了,仲有湯麵同cold cut、沙律,果汁都三款,食飽飽話咁易。

享用完早餐,又可以去露天泳池游水。

兩日一夜行程未算緊密,反而可以輕輕鬆鬆放電。

【KKday 獨家快閃3折】

傳送門 : 

Facebook : Holiday Inn Golden Mile Hong Kong

地址:尖沙咀彌敦道50號金域假日酒店

 

電話:2369 3111

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

我真係好鍾意食Buffet X 生蠔龍蝦鴨肝任食 @ The Food Gallery ( 尖沙咀朗廷酒店 )

 


話時話,香港人真係好鐘意食Buffet,無論疫情幾差,市道幾惡劣都好,Buffet始終最受歡迎,更何況一句「回本位」,就足以令人趨之若鶩。

近日疫情好返些小,雖然限聚令只可以4人一檯,但一班最多咪拆開幾檯囉,而且想食乜都得。


今次同朋友到訪了尖沙咀朗廷酒店「The Food Gallery」,推出「超級海鮮聯盟自助餐」(成人$768/位)(75折連結),睇下經重新打造後,水準有無提昇!


可能大家餓左好耐,未夠鐘入座已經有人排隊,畢竟酒店地點就腳,的確好方便。



海鮮

整個海鮮區都給膠板包圍,客人點完海鮮,便會由專人夾起,衛生方面是做足。


首先梗係食新西蘭生蠔,雖然細細隻,勝在可以任食。



波士頓龍蝦



其他海鮮仲有啖啖肉既龍蝦鉗、鮮甜味美既鱈場蟹腳、爽口彈牙既海蝦、超大隻既翡翠螺,加埋青口、藍貝同龍蝦仔,呢個海鮮陣容,真係不可小覦。


刺身



三文魚、鱲魚、油甘魚、八爪魚、帶子、北寄貝、甜蝦、吞拿魚及沙鎚魚,種類比起好多酒店自助餐為多,而且解凍處理得好好,沒絲毫雪味,食得過。





西湯是龍蝦湯,質地幾濃稠,如果再有多些少龍蝦肉就更正;中湯是淮山杞子燉烏雞湯,清甜味美。


熱葷



中式方面有必食北京填鴨豉汁粉絲蒸扇貝


再有蜜豆炒象拔蚌花枝、沙薑雞、蘿蔔炆牛腩、蟹籽鮮蝦炒飯、豉椒炒蜆



每晚指定時間,會有即烤乳豬供應,畢竟是唐閣出品,質素有保證,芝麻皮尤其鬆化,好味。



西式有紅酒燴牛、橙汁鴨胸及香燒黃梅雞卷



Carving Station

西冷扒、鹽焗三文魚同威靈頓牛柳,西冷扒特意中段時間先拎,因為喜歡medium rare的口感;而三文魚焗至啱啱好,同行朋友都大讚。


其實仲有羊架、牛舌、雞翼同串燒



另一賣點當然係香煎鴨肝,油香四溢真係好吸引,雖然好邪惡,但好彩係細細件。



湯麵

好多食友都知我係澱粉質怪,每次食Buffet都會點碗麵食。


喇沙湯麵都幾香,而且辣度輕盈,配料亦多,不錯。



沙律吧



想清清地,又可以食下沙律,有紅菜頭沙律、煙三文魚、南瓜蘆筍青瓜甜椒沙律同田園沙律


甜品


咖啡、紅桑子雪葩、香檸雪芭、夏威夷果仁、比利時朱古力及Matcha抹茶共六款口味,喜歡雪糕既朋友,實在不可錯過。


雖然朱古力噴泉機壞左,但都有迷你果撻、朱古力cupcake、車厘子panna cotta、朱古力撻、朱古力慕絲、綠茶cream brulee tiramisu madeleine及即製心太軟



飲品

原先只係包一杯咖啡或茶,但家陣四月食自助餐 ,所有汽水及橙汁都任飲,過後就要加錢,閒閒地都要多一百幾十。

Facebook專頁 : The Langham, Hong Kong

地址
:
尖沙咀北京道8號香港朗廷酒店大

 

電話 : 21327898

 

味道 : 3  環境 : 3  服務 : 4  衛生 : 4  抵食 : 3  位置 : 4

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

年輕人的夢 @ All I Wana Eat ( 灣仔 )

 


年輕時最愛在上課時發呆,學苑瓊丹係「逃學威龍」中一句:「上我堂縱橫四海?」真係深得我心。

亦都有一句「人無夢就似條鹹魚!」

或者,大家都是在夢想中成長,亦明白夢境成真的可貴。

近日跟一班朋友走訪了「最想吃」。

餐廳位於灣仔道的商業大廈內,都算就腳方便,走的是日韓火鍋放題路線,附近有不少商業樓宇及住宅,所以不愁客路。

而主理人是位廿多歲的年輕人,老實講,望落同自己囝囝差不多年紀,但接觸下是謙虛有禮,亦樂於聽取意見,令人印象良好。

望望餐牌,午間石燒定食亦不過$78起,都相當實際。

至於晚間任食火鍋,有A/B/C,三種不同組合,就算是最貴的C餐,都是$348,若然是1930前離座,只須$328,小童及長者更是任何時段有$248優惠,至於「A」餐及「B」餐,都是由$218起,只不過肉類的選擇及有可能沒有了刺身。

是晚就選了最抵食的「C」餐。

食物未上,先去凍櫃取飲品,好多都係自家出品,種類亦多,有宇治金時、洛神花茶、檸檬薏米水、士多啤梨乳酪爆爆珠、檸檬柑桔蜜、忌廉溝鮮奶、韓國七喜、韓國可樂、無糖牛蒡茶、無糖烏龍茶及礦泉水,果然是走韓風。


首先出場是日本刺身拼盤,當中包括了原板北海道海膽,夠矜貴了吧?

仲有帆立貝、油甘魚、三文魚、甜蝦、赤貝、鮮魷及希靈魚,食落都幾新鮮,不錯。

之後係「最想吃」小食便當, 田園沙律、黃金魚皮、日本番薯仔、枝豆及串燒雞肉

第三波是可以在韓國炸雞或麻辣雞煲中任選其一,仗著人多,兩款都點了,個人覺得麻辣雞煲較吸引,雞肉好嫩,而且可以自行調教辣度,真係好惹味。

到第四招是送上海鮮拼盤供火鍋用。

當中包括海蝦、扇貝、鮑魚、龍躉片與及沙白,不過之後有大量牛肉,好啱自己,所以要留胃納,海鮮試過就算。

由於是「一人一鍋」,有「美顏花膠鍋」、「韓式泡菜鍋」、「北海道牛乳鍋」、「日式海帶豆腐鍋」及「麻麻辣辣鍋」五款,自己就點了花膠鍋,飲了幾口湯,都幾鮮甜,而且有幾件花膠筒,至於其他女士就多數要牛乳鍋,聽講都不錯。

食火鍋,醬料都好重要,先去醬料區自行調較屬於自己口味既醬汁。

任食肉類總共有澳洲M6和牛、頂級黑牛肩脊、特級雪花牛板腱、極上安格斯牛小排、日本黑豚腩肉及日本豚肉六款。

第一round就先上齊六款肉類,每款雖然只得一片,但是之後可以free flow,想食幾多都得,個人始終喜歡牛肩脊的嚼口與及肉香。

至於其他丸類、主食、蔬菜盤,全都放在凍櫃,大家可隨意享用。

自己是「澱粉質」怪,就算食Buffet都要整碗麵,尤其是湯底已經充滿牛肉汁的精華,一於淥個韓式公仔麵食,果然QQ彈牙,好味。

如果想食些少熟野,又可以飲返碗羅宋湯,又真係好足料同夠火喉。

臨走當然要食返枝韓國雪條啦!

地址
:
灣仔灣仔道833

 

電話 : 25380668 / 53743228

 

味道 :
4 
環境 : 3 
服務 : 4  衛生 : 4  抵食 : 5  位置 : 4

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

亮麗法國經典朱古力品牌 Valrhona 下午茶 @ Lobby Lounge (紅磡香港嘉里酒店)

 


說起來,已有一段沒跟朋友悠閒地喝著下午茶聊聊天,踫上到「紅糖」午膳,又聊得高興,因利乘便,一於到 Lobby Lounge 繼續。


今次嘉里酒店 Lobby Lounge,就聯乘法國經典朱古力品牌 Valrhona ,炮製出令人心動的朱古力下午茶。

每份港幣$638兩位用(星期一至五)$668(星期六、日及公眾假期),而網上預訂更有 75折優惠 ,而供應期更是去到4月尾,大家仲有時間去試試啊!

早前是「復活節」,所以下午茶的設計,的確加入了不少「復活節」的元素。

尤其是酒店大堂寬敞,空間感極強,整片落地玻璃透入柔和的室外光,使人份外舒適,客人都自覺地把聲量調低,有種寧靜悠然的氛圍。

甜點

Almond Mousse

杏仁牛奶朱古力咖啡蛋糕

以杏仁慕絲及咖啡蛋糕的組合,口感如綿,放上軟心牛奶朱古力,味道好rich

Passion Fruit

熱情果忌廉配胡桃慕絲焦糖蛋糕

很喜歡酸甜夾雜的味道,尤其是起了平衡的作用,怕太甜的朋友就最啱。

Strawberry

士多啤梨椰子蛋糕

內裡是牛軋糖風味蛋糕,外層是糖漬士多啤梨慕絲,加入椰子忌廉,入口散發椰子的幽香,不錯。

Raspberry

紅桑子荔枝咖啡蛋糕

兩片紅桑子片上的白朱古力兔,帶出了「復活節」的氣息;糖漬紅桑子慕絲及荔枝吉士忌廉幼滑如絲,泡沫咖啡蛋糕令口感不會單調,相信好難擋得了的誘惑。

Scones 傳統鬆餅

傳統英式下午茶,如果沒有了鬆餅,總是覺得未夠完美,而今次就有Traditional原味及 Lemon candied & Yuzu 柚子糖漬檸檬鬆餅兩種口味。

更精彩是一般只會提供兩款果醬及Clotted Cream,但Lobby Lounge就有Cornish Clotted  Cream、草莓果醬、Alain Millat 杏脯及榛子醬一共4款口味,就算閣下幾心多,都可以滿足妳的要求。

最好係將鬆餅分開兩半,就可以塗上不同口味,而且鬆餅鬆化可口,又真係好吸引。

Savoury Inspirations 鹹點



Yuzu

Crab & Yuzu Mini Doughnut

蟹肉柚子迷你冬甩

跟平日見到的略有不同,內裡是澎湃的柚子胡椒蒜香蛋黃醬,蟹肉不單甜美,更有柚子的清香,我鍾意。

Raspberry

紅桑子紅菜頭沙律

把紅菜頭卷成豔紅的玫瑰花,放在法國軟芝士上,紅白對襯的色彩真好看,澆上少許紅桑子黑醋汁,酸甜夾雜,令人不會覺得過於甜膩。

Strawberry

法國 Rougie 鵝肝配花椒及士多啤梨

賣相簡單亮麗,自家製布里歐麵包夾心是法國名牌 Rougie 鵝肝,滿口油香,偶爾來一下花椒的辛勁,有趣。

Passion Fruit

酸醃西西里紅蝦伴熱情果

剖開的新鮮熱情果,拌和碎上的酸醃西西里紅蝦,再放在西班牙紅椒墨西哥餅上,口感層次分明又複雜。

而咖啡或茶兩小時更是無限添飲(但只限同款),大家可以放心慢慢嘆,跟好友聊聊天,好好享受一個悠閒的下午。

P.S : 凡於個人帳戶分享下午茶照片並加上hashtag
KerryHotelHK
及地標 Kerry Hotel Hong Kong可獲送上普洱朱古力乙杯。

 

#lobbylounge.khhk@thekerryhotels.com

Facebook : Kerry Hotel Hong Kong

地址:紅磡紅鸞道38號香港嘉里酒店1

 

電話:22525237

 

味道 :
4 
環境 : 5 
服務 : 4  衛生 : 5  抵食 : 5  位置 : 4

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip