大家看過「哈利波特」沒有？那個充滿神秘色彩、天馬行空的迷幻世界，相信帶給大家不少幻想空間，家陣可以係Mr & Mrs. Fox 同樣能感受得到。
店舖位於鰂魚涌，三層餐廳各有特色，地下是酒吧，適合輕輕鬆鬆喝上一杯的朋友；二樓是Fine
Dining 用餐區，高靠背的卡座，提供了私屬的空間；而三樓驟眼看是普通用作的休閒看書，但箇中是另有玄機。
原來看似是書架的地方，本身是推也推不動的，但按下了電制（想知道係邊，就要賣賣關子），電門就會自動打開，內裡是一個偌大的房間，可以用來舉行私人party。
今次跟朋友聚餐，不用上三樓包場咁誇張，只須係二樓已經好足夠。
STARTERS
就先來兩個邪惡頭盤同盟吧！
Steak Tartare with Bone Marrow （$178）
絕對係必食頭盤。
見到牛肉他他就會諗起早兩年個笑話，聽講有人影完相叫侍應拎入廚房煮熟佢，真係唔出聲好過。
講返正題，草飼牛肉切得夠幼細，肉質鮮嫩，拌均了 slow cook 的鵪鶉蛋，加添蛋香與滑溜的質感，真是人間美味。
牛骨髓好多人都嫌太邪惡，但試過又真係難以返轉頭，講真並非日日食，偶爾一次都無妨，將半溶的牛骨髓塗在多士上，或者再加上牛肉他他，脆與嫩的結合，令人回味無窮。
Foie Gras de Canard（$178）
講到邪惡，又點可以無鵝肝？
若然怕口感太豐腴，請放心，伴碟的無花果清甜動人，微酸的草莓正正起了平衡的作用，不知不覺，整件鵝肝都消滅了。
Char-grilled Octopus（$168）
當然，頭盤的選擇幾多，怕太重口味，不如試下烤八爪魚。
大八爪魚只選用觸鬚部位，咬落煙韌，而墨汁 risotto 滿有al dente，飯心位有少些夾生的質感，我鍾意。
MAIN Course
都有好幾款選擇，今次就挑選了「Lobster Rice」（$528），由於是即煮，都幾花時間，建議要早早決定。
原隻銅鍋上檯，不單止熱辣辣，而且用上整隻開邊波士頓龍蝦，賣相澎湃，配以肥美的藍貝，飯粒同樣是我喜歡的有嚼口質感，
若然對龍蝦興趣不大，仲有 Grilled Barramundi
或者 Canadian Pork Chop（400g），一樣可以同朋友分享。
DESSERT
Baked Alaska（$138）
若然是兩個人分享，份量也未免太誇張了吧！
外層的忌廉澆上了冧酒，然後點火，增強了視覺效果，四周即時瀰漫了濃濃的酒香，內裡是花生雪糕，伴以焦糖香蕉，香氣盈然，而且口感好豐腴，愛甜品的朋友一定不會失望。
作為一間組合的餐廳，既可輕輕鬆鬆飲返杯，又可跟另一半二人世界，人多的話，又有私屬包場空間，真是一間「魔法」餐廳。
Facebook 專頁 : MR & MRS FOX
地址 : 鰂魚涌糖廠街23號地舖
電話 : 2697 8500
味道 : 4 環境 : 4
服務 : 5 衛生 : 5
抵食 : 4 位置 : 5
希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!
沒有留言:
張貼留言