期望再會時 @ The Promenade ( 紅磡九龍海逸君綽酒店 )

 

疫情下,大家都過了一個毫無氣氛的聖誕節,好多餐廳在限聚令下,的確是改了又改。


上個月曾經跟太太享受了一個水準不錯的下午茶Buffet,因只係運作了一個月左右,又要暫且煞停,真係幾可惜。

不過都值得大家寄存,等恢復供應後,可以第一時間book位嘛!

平日 The Promenade 提供
dinner buffet
,當年都特意跟老媽慶生,記憶猶新。

無他,樓底超高,空間感強烈,海景落地大玻璃,邊食邊欣賞日與夜的不同景色,實在是一種享受。

雖然是下午茶,但食物種類及質素,一點都不含糊。

刺身



以下午茶而言,有三文魚、吞拿魚、希靈魚、玉子及八爪魚提供,種類夠多,而且無乜雪味,食得過。

壽司類有甜蝦壽司、炙和牛壽司、腐皮壽司及三文魚壽司,其實下午茶亦無須食太飽,不過推薦炙和牛壽司,有點油香,不錯。

至於鱈場蟹粥好鮮甜,蟹肉份量多,而粥底煮至綿滑,好味。

仲有即炸什錦天婦羅,脆漿好薄,尤其是炸蕃薯更加甜美,外脆內軟。

又有日式鱆魚小丸子,不過鱆魚份量可以多些少。

畢竟是下午茶,日式湯拉麵或烏冬就只點了一碗跟太太share,但有太太不喜歡的鹼水味,有改善空間。

湯品有蕃茄湯及蓮藕豬展湯兩款,好有家湯水的感覺,不錯。

沙律、頭盤及乳酪

DIY田園沙律、海蜇、韓式八爪魚、中華沙律及枝豆,喜歡的朋友可以試試,仲有好幾款不同水果口味既乳酪。

自己反而選了串燒,因為有厚切牛舌同煙肉腸,仲有燒洋蔥、蕃薯同墨魚丸。

其他日式食品有關東煮、吉列豬扒、燒鯖魚及炸雞翼,種類都不少,但個人比較喜歡關東煮,尤其是蘿蔔,真係又甜又無渣,有時候食物真係唔使好貴,至少整得好食,懶理乜野回本位。

點心



簡單的有干蒸牛肉、叉燒包及奶皇包

包點



可能下午茶都有好多野食,所以包點有牛角包、合桃鬆餅及提子鬆餅,都係試了一兩件。

甜品



近入口處擺放了甜品區,以日式甜品作主打,放了柚子芝士蛋糕、北海道3.6牛乳布丁、竹炭綠茶卷、櫻花大福餅、芒果拿破崙
、綠茶芝士餅 、香芒糯米卷及草莓泡芙

試了當中大半,個人推薦氣味清香既柚子芝士蛋糕;質地幼滑又滿有奶香既北海道3.6牛乳布丁與及甜美芳香,咬落酥化既芒果拿破崙。

至於雪糕種類特別多,整個雪糕櫃有哈根大師既抹茶、士多啤梨芝士餅、紅桑子雪果、夏威夷果仁、咖啡、藍莓、香檸雪果、檸檬青檸、熱情果芒果雪笆、冧酒提子、法式焦糖燉蛋、意大利奶凍、焦糖、紅豆雪糕、綠茶雪糕與及芝麻雪糕柚子雪糕

計落淨食雪糕都可以回本。

水果就有西瓜、蜜瓜及哈蜜瓜

2020年最後一天,希望大家有個健康的身體,近接2021年的挑戰!Happy New Year

 

Facebook 專頁 : The Promenade, Harbour Grand Kowloon

 

 

酒店專頁 : Harbour Grand Kwoloon

 

 

地址 : 紅磡德豐街20號九龍海逸君綽酒店大堂 (港鐵黃埔站 D2 出口)

 

電話 : 2996 8432

 

味道 : 3  環境 :
5 
服務 :
4 
衛生 :
5 
抵食 :
3 
位置 :
4

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

我要做(偽)廚神 @ 法國牛油

 

自從由火線退下來後,變成了家中的大廚,每天花心神弄三餸一湯,又要有營養,真係白頭髮都多幾條。


中菜煮得多,都想攪攪新意,早前受邀參與了由法國奶類食品組織 CNIEL 所主辦的法國牛油推廣活動,仲有機會跟「亞洲最佳女廚師」May Chow學煮菜,機會難逢,真係有錢都未必報得到。



活動係銅鑼灣 Little Bao 舉行,由於是中午較後時分,客人不多,感覺寬敞闊落,又有陽光從室外透內,份外令人舒適。


千呼萬喚,主角終於出場。

整個活動,May Chow 都以輕鬆的語調,活潑的手法,簡單的以法國牛油炮製出一道 Marble Butter


大會事前已預備好食材及份量,先來的是「雲石絞鹹檸檬欖菜牛油」


把墨魚汁及鹹檸檬欖菜炮製成兩種不同的牛油,之後相間地排好,然後以牛油紙卷起雪成圓柱形,食用時再切成圓片,非常簡單方便。


當然,示範過後就要落手落腳整,好彩有食友男神 Edward 幫手,好快就攪掂。


其實牛油只係主菜的一部份,另一道煎羊扒即時上場。


用法國牛油起鑊真係好香,羊扒煎至表面微焦,然後切片放在椰菜花茸上面,看似是西餐,竟然加入薑蔥元素。


最後放上先前的牛油片,再以火槍炙溶,好讓牛油的香氣及油潤滲入羊肉。

之後又到自己落手落腳整啦,睇落都唔錯吖



原來一片牛油,都蘊含大道理,可以令菜餚增添潤色,最重要係大家有無用心去構思!

臨走大會仲送上精美禮物包,真係又靚又實用,今個中午真滿足。

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

屯門限定 X 北の極蕃茄蝦湯拉麵 @ 一幻 ( 屯門市廣場 )


 

記得新婚的溫馨日子,就是在屯門度過。


當年每逢放假天,便會跟太太四處逛,偶爾去黃金海岸或食飯,但更多的時候,是在市中心看電影及晚飯,最記得「Titanic」都係當時睇,講返起都20年前既事。


唯一不變是,屯門市中心幾時都人山人海,消費品、日用品及食店林立,可以話足不出戶,係屯門都可以自給自足。


自從大概三年前品嚐過第一口一幻拉麵後,見證了一間又一間的開業,繼香港及九龍後,今次立戶屯門市中心。


既然係新開張,先講下有乜著數。


第一彈(20201216日至20日)


開幕日起一年五日所有拉麵可以享用「得一賞二」優惠。凡惠顧任何一款拉麵可免費享用第二碗。


( 贈送價錢較低之拉麵,加一服務費以原價計算)


第二彈(20201221日至2021110日)


新定限定拉麵套餐(一位用)$128


當中包括1.自選一款拉麵或拌麵;2.一客餃子五隻;一款指定飲品。


再送限量版 Hygiene of Sweden 抗菌潔手噴霧($58


第三彈(2021111日至31日)


凡惠顧指定套餐,即可獲贈限量版摺疊式環保飯盒。


第四彈(202121日至28日)


儲滿一幻印花便可獲贈終極大賞福袋,包括一幻 x BRUNO 限量便當盒、一幻 powerbank 等。


(第三、四彈詳情將於一幻拉麵 Facebook IG 公布)


未品嚐主角拉麵,先以「香辣甜蝦椰菜沙律」($38開開胃口,椰菜絲清新爽甜,而甜蝦炸得香脆可口,相當惹味。


餃子$35/5隻)煎得啱啱好,底部微焦,食落幾香口。


由於是首次立足屯門,所以推出了屯門店限定版「北の極蕃茄蝦湯拉麵」,麵底有粗麵(極太麵)及幼麵兩種,建議大家選擇粗麵,因為較易沾上湯汁。


很欣賞雖然是新開張,店內亦有十幾個客,但上菜的速度一點都不含糊,值得一讚。

其實第一間灣仔店的拉麵,感覺上鹼水味未脫得清,想不到家陣咬落,既有嚼口,掛湯的能力不錯,就連鹼水都是若有若無,至於靈魂的甜蝦湯底,濃稠帶黏口,除了蝦香,更有番茄的鮮甜及微酸,原來是選用了
北海道下川町特級「
北の極」蕃茄,吃起來感覺不會太膩。



配料本身有一片幾薄既叉燒,沒多少肥位,所以不覺有油香,但肉味幾濃,再有半隻溏心蛋,火喉控制得不錯。


加上特製麵酥、粟米粒及兩片番茄,食完真係幾飽。


其實仲有一款季節限定的「札幌咖哩蝦湯拉麵」($78,自己真係食唔落,大家可以試下。


至於蝦味飯糰$20/個)是用蝦湯煮飯,看似單調,內裡加入了蝦肉,咬起來軟綿,更是陣陣蝦香,亦是值得推介的菜色。


由於餐廳暫時未領有酒牌,所以只提供汽水及無酒精飲品,今日就試了西瓜及白桃味梳打,西瓜的賣相很Q,但味道一般,反而白桃梳打幾香,相信好啱女士。


今次係疫情下開新店,不得不說勇氣可嘉,亦都是信心的表現,老實講,拉麵質素的確比幾年前有進步,未知下次又會有乜新意?

 Facebook 專頁 : 一幻拉麵

Instagram : @ichigenhk 

地址
:
屯門屯隆街3號屯門市廣場一期22319

 

電話 : 23122399

 

味道 :
4 
環境 : 4 
服務 : 4  衛生 : 4  抵食 : 4  位置 : 4

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

不知不覺 3.0 @ 粵軒 ( 灣仔六國酒店 )



0.3好多男士都會聯想另一樣野,仲會好雀躍,但講到3.0,就未必個個知。

如果講起「黯然銷魂飯」第一時間就會諗起「食神」



的而且確,成套戲將一道相當貼地,平民百姓甚至藍領都經常做午餐的菜色昇華,又是一個奇蹟。



灣仔六國酒店「粵軒」不知光顧了多少次,當年攪三圍生日飯,都係係「粵軒」。


上個月酒店的 Wine-cation,就反而去了食日式放題,因為要配合清酒嘛!


近日「粵軒」又推出了「黯然銷魂飯3.0」版本,但基於「限聚令」下,晚餐是沒可能了,就跟朋友來個午間小敍。


第一道菜已是較重口味的「陳皮椒絲蝦球伴野菌扒白鱈魚球」


建議先食味道較淡的白鱈魚球,外層炸得微脆,內裡質地嫩滑,不錯;而蝦球好大隻又爽口彈牙,辣辣地幾開胃。


不過很奇怪,套餐並未有前菜,其實可以的話,簡單的加個陳醋木耳醒醒胃吧!


湯品是「響螺燉雪雁」,畢竟是深秋時分,最啱滋補湯水,更何況是燉湯?


一揭蓋已瀰漫陣陣幽香,湯色清澈,入口醇厚甘甜,正。


主角當然係「黯然銷魂飯3.0


其實由最初版食到家陣,真係看得出的進步,而今次更是精銳盡出叉燒是店方名物,用上脢頭叉燒,肥瘦相間,蜜味重,加上大大舊厚切,名符其實啖啖肉;而雞蛋煎至半熟,食之前用筷子將蛋黃戳穿,讓蛋汁滲落白飯,拌勻燒豬油及紫洋蔥,真是人間美味,至於白飯更是選用泰國青靈芝香米,火喉控制得相當好,飯粒粒顆分明,既有嚼口,沾上了燒豬油更是令人吃不停口,至於伴碟的有機菜心亦選得好,爽脆清甜,可惜只得兩條。


到了甜品,當然不是大路貨色,而是「核桃金腿玫瑰酥伴大紅袍茶皇糕」


咬落酥皮鬆化,但略嫌有點厚,好香玫瑰味,腿茸滿有咸香及油份,其實不錯,而茶皇糕口感QQ,甜度輕盈,午間都不宜太飽,份量啱啱好。


餐後再來一杯陳年普洱茶,的確香濃醇滑,即時帶出消膩的感覺。


整個套餐推廣價每位$380(兩位起),不過就免茶芥及小食,食幾多比幾多。

 

地址
:
灣仔告士打道72號六國酒店1

 

電話 : 28663806

 

味道 : 4  環境 : 4  服務 : 5  衛生 : 5  抵食 : 4  位置 : 4

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

「 奇華餅家 X Sanrio.男團 HAPIDANBUI」@ 奇華餅家

 


每逢節日,奇華餅家都會推出相關產品,而且更喜歡緊扣時代脈搏注入新意。



今次推出節日限定DIY 聖誕曲奇禮盒」($88,除了禮盒外形以聖誕樹作主題外,禮盒內放滿了香濃可口的心型朱古力曲奇及帶少許辛香甜美的星形薑味曲奇,此外,禮合更附有粉紅色及白色朱古力筆,讓你親手為另一半或親友,塗上專屬的窩心圖案或祝福語句,令人更覺窩心。



另一款HAPIDANBUI 聖誕禮盒」更是以年初萌爆出道的 Sanrio 男團 HAPIDANBUI 作賣點,成員包括了Bad Badtz-MaruXO仔)、Pocha
co
PC狗)、Ahiru No PekkleAP鴨)、Kerokerokeroooi Keroppi)、Hangyodon(水怪)及 Tuxedo Sam,盒內是香脆的朱古力酥及辛香煙韌的薑味花生軟糖,更有精美的隔熱手套及團裙,原價是$216,家陣只需要$138就可以帶佢地返屋企,陪大家歡度聖誕,尤其是有小朋友的家庭,真的會添上歡樂氣氛。


值得一提是,每售出「HAPIDANBUI聖誕禮盒」或套裝一份,奇華餅家將捐贈港幣五元正予「願望成真基金」作慈益用途,好讓大家在這個普天同慶的日子裡,
把歡樂及關懷分享給患病小朋友,為他們送上點點暖意。


$50聖誕限定版現金劵」


現凡購買聖誕限定版現金券六張(每張$50元正)即可獲贈樹熊曲奇或企鵝曲奇(18件裝)一盒。

就算這個聖誕節只能安坐家中,都可以感受到點點聖誕氣氛吧!

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

一日一蘋果 @ 法國新鮮水果蔬菜跨區促進會(INTERFEL)

 


香港係某層面上仍然是個福地,任何日子都可以食到來自世界各地的優質食材及水果。



早前就收到了來自法國新鮮水果蔬菜跨區促進會(INTERFEL)」幾款蘋果及食譜,原先是可以在網上平台,利用 zoom 連線,跟米芝蓮餐廳星級名廚 Charles Soussin ,以法國蘋果,學習烹調兩款居家菜色。


雖然自己退休後鍾意整食物,但西餐就「獻醜不如藏拙」。


話雖如此,總要好好利用食材吧!


三款蘋果分別係加拿Royal Gala)、史密夫(Granny Smith)及茱麗葉(Juliet


囝囝一向是沙律控,二話不說,把三款蘋果都削皮去籽,加沙律菜及雞蛋,炮製一個沙律做午餐,既新鮮又健康。


朋友都知道我喜歡飲五青汁,既然有靚水果,當然扣起一兩個榨汁,全部新鮮材料,味道清新怡人,對排毒及清腸胃一流。


由十月底開始將會喺唔同嘅門市有可以發售仲會有精美禮品包同兩款食譜


IG : @FruitVegFromFR

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

忘憂咖啡館 @ 添飲咖啡館 ( 舊粉嶺法院 )

 


仍記得剛搬入北區時,四周都是新意,聯和墟舊街市食宵夜固然是一個賣點,群記豬手、四眼仔腸粉;上水彩園村天橋掃街、廣成冰室紅豆冰;大埔阿婆豆腐花與及清湯腩,全是舊店舊舖,承傳了幾十年的風味,都是一個美好的回憶。

早幾年行經舊粉嶺法院大樓,給六七十年代的簡樸建築所吸引,記憶所及,當年關門後,就只有影帝劉青雲拍過電影「再生號」,但囂喧過後,又是無奈的四周雜草叢生,門庭冷落的景象,不免令人感到唏噓。


雖然今日舊法院大樓已非「明事非、辨黑白」的地方,但幸運地經活化後,外觀是盡量保留,有原汁原味的感覺,而非好似1881舊水警總部,改轅換轍,面目全非,尤其是對於成長於七八十年代的自己,更覺心痛。


沿著舊法院大樓,逕往前行,便會見到另一幢獨立的單幢式建築物。


原來店子已開業年多,自己途經過百次,上個月先發現,實在是後知後覺。


餐廳不設 walk in 客,想光顧就要用 Whatsapp 跟餐廳訂位,經回覆 confirm 後先可以用餐,其實自己都試過餐廳客人稀少時想入座,但都給婉拒了。


餐牌的設計除了一張 A5 大紙外,仲有一份附上公文袋的餐牌,睇落有點似法庭文件,充滿了玩味。


入座前,客人必定要消毒雙手,衛生要求做足。


店內座位不多,大概可容納三十人左右,但限聚令人,客人就更少。


而靠窗一排的高凳位,更是文青發呆的好地方。


餐廳門前及內裡中央位置,擺放了不少來自台灣的物產及水果,喜歡的朋友,就算不是用餐,都可以去逛逛。


由於想試試陽光明媚下的感覺,原本安排了室內的座位,亦移到了室外去。


主菜是與餐牌不符的「白汁忌廉雞肉蘑菇通粉」,原因是天氣開始轉涼,菜色都有所變更,但餐牌仍沿用舊貨,最好落單前問一聲。


其實侍應亦有主動提醒,值得加分。


係戶外用餐,由於是中午較早時分,陣陣微風吹來,又有和煦的陽光,實在是最佳的用餐點。


很喜歡 Penne 煮得 al
dente
,白汁份量略多,雞肉、蘑菇跟白汁似乎是一家人,經常都會相聚,雞肉看來是老爸,肉質少許嚡,但問題不大,畢竟是即叫即煮,確實是要多等了一陣,但誠意十足。


咖啡



咖啡味道幾香濃,但太早出現,結果咖啡漸凍碟Penne都未見,同侍應反映過後,竟然肯更換過一杯,態度良好,又係一個加分點。


餐廳每逢星期二會送上小禮物「治癒茶包」,聽說有寧神靜氣的功效。


雖然餐牌選擇不多,但想靜靜的跟另一半享用一頓午餐或晚餐,要求不高,消費亦不貴,地點又頗為特色,值得推薦比大家。


P.S : 另圖是同場食客所點,賣相實在吸引,望望餐牌,大約$240左右,相當合理,下次可以試試。

 

地址
:
粉嶺馬會道302號地

 

電話 : 67599141

 

味道 :
4 
環境 : 5     服務 : 4  衛生 : 5  抵食 : 4  位置 : 3

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

兩個人? 啱啱好! X 深秋「蟹」逅 @ 帝京軒 ( 旺角帝京酒店 )

 


話咁快又到12月,仲想食大閘蟹就真係要抓緊尾巴,今年既供應期比較長,但總有結束的日子。



早前係旺角帝京酒店帝京軒,就品嚐了一頓高質素的「蟹·殿·宴」


由於套餐是兩位起,就算是限聚令都不怕,而且餐廳做足防疫措施,座位間闊落,衛生意識做足,至少食客安心。


套餐包含了前菜、清蒸大閘蟹、蟹粉菜色、單尾及甜品,總共六道菜,也不過是$688(兩位起)


古越龍山醉轉彎、雙冬小耳烤麩及貴妃椒香黑豚叉燒


前菜是一碟三款。


醉轉彎其實係醉雞翼其中的一個部位,汆水處理得好,有皮脆肉嫩的口感,淡淡的酒香,份外迷人。


烤麩軟熟入味,除了原有的木耳,更加入雙冬,令口感更佳。


至於帝京軒既黑豚叉燒真係無得輸,上次外賣返屋企,太太抽水,扣起幾舊第二日拎返公司食,肉質依然嫩滑有嚼口,連一向嘴刁既太太都大讚,實在忍不住,即時追加一碟。


松茸蟹粉燴拉絲雪燕


蟹粉下得重手,入口香滑豐腴,而雪燕晶瑩剔透,帶點爽口,兩者結口,鮮甜味美,的確是味覺的大滿足。


兩弄六頭老虎蝦皇


把碩大的老虎蝦一分為二,蝦頭以避風塘手法處理,非常香口。


而蝦身以忌廉汁烹調,蝦身爽口彈牙,吃之前用迷你“吱筒”把白松露油注入蝦肉,吃起來帶陣陣幽香。


清蒸太湖大閘蟹


等了又等,主角終於上場,足四兩半重公蟹,雖然大閘蟹菜色出色,但原隻品嚐更啱心意,個人始終喜歡明刀明槍,無須增添潤色,蟹肉的鮮甜直擊味蕾,蟹膏帶黏性的緊扣舌尖,每年一度的邂逅,更加令人如痴如醉。


最開心係套餐竟然包兩隻蟹,而且有侍應代勞拆蟹,真窩心。


食大閘蟹嘆花雕是常識吧!但帝京軒的大廚團隊實在不甘於平淡,總是要攪攪新意,今次送上花雕雞尾酒,賣相添上瑰麗,幾片花瓣令色彩豐富,花香味更盛,女士們相信會更欣賞(不過要另加$40/位)。


上湯浸時蔬


灼得色澤翠綠,尤其是冬天的菜心份外甜美自然。


香煎鳳凰糯米雞及蟹粉灌湯小籠包



單尾並非常見的糯米飯或炒飯,而係煎糯米雞,又幾有心思,蘸上蛋漿再炸,有微脆的口感,而且小小的一件啱啱好。


至於蟹粉小籠包的包皮柔韌,內裡滿是肉汁,吃得出的鮮味,蟹粉又香,超正。


黑糖薑母茶桃膠湯圓


甜品又有新意,將薑茶注入創意,不單用上了黑糖,更加入桃膠及湯圓,既健康又可口。


五仁合桃酥


除了薑母茶外,仲有五仁合桃酥做甜品,咬落好鬆脆,甜度輕盈好啱我。


意猶未盡,中間加插幾道「客家·四川·風味菜」的菜色。


娘家黃酒釀開窩雞


味道上似係黃酒雞,不過帝京軒一向用新鮮雞,係質感上無得輸,而且炆得好入味,好啱佐酒。


家常紹子蔥燒海參


好有濃油赤醬的氛圍,海參食落滑溜,蔥香緊扣海參,處理得實在相當好。


冬暖鍋燒美饌


戈壁薑蔥珍寶生蠔


蠔肉飽滿大隻,加入燒腩肉爆香,令蠔肉沾上了肉汁,又有澎湃的蔥香,惹味到一個點,就連薑片都同樣辛香惹味,超正。


只可惜供應期只去到1215日,仲有兩個星期時間,要食就要快手啦!

 

Facebook : 帝京酒店


地址 : 旺角太子道西193號帝京酒店3

 

電話 : 2622 6161

 

味道 : 4  環境 : 4服務 : 5 
衛生 : 5  抵食
: 4 
位置 : 5

 

如果喜歡這篇文章,請在我的專頁上剔“LIKE”,當是給我小小的鼓勵吧!謝謝!

 

http://www.facebook.com/foodiephilip