終於見大家都湧去西貢或是行山，反行其道係市區一家人行行商場食餐飯。
當然，安全措施一定要做足，選擇餐廳都要有足夠距離同衛生。
平日人頭湧湧的朗豪坊，家陣人流少了不止一半，大家行得倒也輕鬆自在。
係朗豪坊最多人的地方相信係 food
court，但商場方面亦看得出按照政府的指引。
囝囝畢竟是小朋友心態，望見餐廳門口的點心賣相已經心動。
近日好多中菜館加入點心大戰的戰場，「飲茶」卻是安於本份，除了即點即蒸的點心外，只提供一款套餐。
自選套餐（$128/位）兩位起
涼菜
三款涼菜中挑選了七彩茄子及流口水雞，但由於醬汁是一樣，所以都擺放埋一齊，茄子漬得入味，軟稔可口，而且是BB辣，囝囝都食到；雞肉是出奇的嫩滑，但味道給川辣味蓋過。
湯品
其中有部份要另外加錢，大家要睇清楚。
先是海鮮冬蓉羹，玻璃芡未算重手，濃稠的質感，不過不失。
再來是原個上的椰皇老雞（加$20），每口都帶有很幽香的椰皇味，味道清甜，佔了一半是湯料，舀一下，原來加入了上肉及螺肉，好味。
再來是原個上的椰皇老雞（加$20），每口都帶有很幽香的椰皇味，味道清甜，佔了一半是湯料，舀一下，原來加入了上肉及螺肉，好味。
點心
鵪鶉蛋燒賣
用上鴛鴦皮，反正囝囝有quota，兩件都給消滅了。
蟹籽燒賣
餡料吃得出的鮮，由於是套餐，所以得兩件。
小炒
舉手雞花
其實是炸雞鎚，好香口，好啱送啤酒。
西檸蝦球
炸漿較厚，不太喜歡，但檸檬汁調較得不錯。
蔬菜
金銀蛋時菜
選用菜心苗，嫩綠清甜，正好清清腸胃。
甜品
蜜糖蛋散
套餐只得一件，感覺有點怪怪的，炸得色澤金黃，火喉拿捏得相當好，入口鬆化，澆上蜜糖，味道更佳，好耐無食過有水準的蛋散，即時要追加一碟。
睇住流奶
又係萌到不得了，但只得一件未免有點孤零零，撕開兩半，流出熱燙的流沙餡，濃郁的蛋黃香氣，相當對辦，真係睇得又食得。
飲品
套餐本身不包飲品，但可以另行加錢，熱柑桔薑蜜（加$10）。
套餐本身不包飲品，但可以另行加錢，熱柑桔薑蜜（加$10）。
散點
人數不多，又不想給套餐限制，亦可以選擇散點。
小食拼盤（$119）
川醬皮蛋
醬汁跟口水雞是一樣，只不過換上了皮蛋，而皮蛋獨有的味道，跟川辣又水乳交融，如果可以加埋豆腐就更加吸引。
橙棍冬瓜
賣相同味道俱備，如果不知就裡，會以為是南瓜汁，但原來換上了橙汁，酸酸地，口感清爽，這個變奏版我鍾意。
青瓜皮蝦
將青瓜削成長條，然後把蝦仁捲起，連同炸過的蒜粒一齊食，的確幾惹味，其實都可以試下係屋企整。
點心
鴿吞鳳梨（$39/3件）
店方最出名係點心既賣相，小巧的鳥籠，內裡有三隻萌到爆的小鳥，食落就知是鳳梨酥，但酥皮部份較厚，影響了口感。
一籠八戒（$49/3件）
的確好睇又好食，三隻小豬完全無甩皮甩骨，飽滿又鬆軟，叉燒切得細碎，甜度啱啱好。
有色蝦餃（$39/2件）
餃子皮用上甘筍及紅菜頭之類的蔬菜汁來調較，擀出來色彩絢麗，柔韌而富彈性，不會是令人討厭的一口粉質，但包得未夠飽滿，美中不足。
透明波波（$29/3件）
餃子皮透明而且煙韌，餡料是黑松露雜菌，陣陣幽香又夠健康。
布拉蝦腸（$39）
其實只得一條，蝦肉好爽彈，醬油亦濃淡得宜，腸粉皮透出蝦肉色，挑剔一點，能夠薄點更好。
小炒
懷舊蝦多士（$79/4件）
一碟4件啱晒政府政策，放上原隻海蝦而不是蝦膠，炸得香脆可口，蘸點沙律醬更添風味。
飯麵
擔擔湯麵（$39）
味道正常，麵條淥得太稔，建議落單時要提點一下，而且上菜速度快，未食得及，放得耐會更稔，小心。
飲品好多都切合近日天氣，汽水就無必要，大家不妨試下青檸柑桔薑蜜（$39）或杞子桂圓紅棗蜜（$39），正好滋潤喉嚨。
順帶一提，餐廳上菜速度超快，未食完已經上另一樣，建議慢慢叫幾樣食住等，可以保持熱辣辣嘛！
地址
: 旺角亞皆老街8號朗豪坊4樓7號舖
電話 : 28181099
味道 :
4 環境 : 4
服務 : 5 衛生 : 4 抵食 : 4 位置 : 5
希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!
沒有留言:
張貼留言