2020年9月23日 星期三

《點心風雲錄IV》All You Can Eat Dim Sum @ 海雲天 ( 九龍海逸君綽酒店 )






 

早前點心大戰,的確走訪了好多間餐廳,當中都是酒店又或是米芝蓮星級菜館,由$34碟起跳,到$400位都試過,當中都有試過中伏,容後跟大家分享。




由於限聚令下,外賣近日成了主戰場,但點心任食依然有一定吸引力,早幾日就跟朋友造訪了位於紅磡君綽海逸酒店的海雲天。




雖然是平日的一點鐘,但每檯只限坐兩人,所以都全場爆滿,錯有錯著,反而給安排到大廂房,不單止較寧靜,可以同朋友聊天,而且有靠玻璃窗位,可以望到海景,心情都靚D,檯與檯之間寬敞闊落,毫無侷促的感覺。




望望點心紙,大約40幾款,任食點心90分鐘,每位$168,另加茶芥$23,其實連埋加一都係$220左右,畢竟係酒店中菜廳,說起來都相當划算,講真,就算係街坊茶居「一盅兩件」都要幾十蚊落樓。

餐廳有三款點心是限量供應,每位只得一客,原先的蟹蓋之類是通通不見了,大家可要注意。

由落單到上菜不用10分鐘,效率令人滿意,而且無甩漏,值得一讚。





椰皇燕窩燉鮮奶

原個上,熱辣辣好清甜,質地滑溜,正。




蜜汁火方

可能影相太耐,包皮有點乾,但腐皮炸得好脆,而且油溫控制好,所以色澤淡雅,加埋用蜜汁燴過的火腿,口感複雜,層次分明。




富貴鮑魚撻



鮑魚當然細size,撻皮食落仍有酥化感覺,不過不失。

任食點心




蟹籽燒賣

比較實淨,但真材實料,蝦肉爽彈,不錯。




翡翠明蝦餃

蝦餃皮擀得夠水準,皮薄而柔韌,略嫌摺紋未夠多,蝦肉清爽,好味,難怪聽聞有人單點蝦餃,食足幾十隻,真係回本。




黑金流沙包

用竹炭粉搓包皮,鬆軟可口,餡料流心個人覺得可以多少少。




冬陰功豬皮魚蛋

好有趣既組合,但個人始終喜歡咖喱魚蛋。




脆皮南瓜餅

賣相幾神似,外層炸至微脆,內裡是熱燙的豆沙蓉,正。




碧綠鮮蝦腸粉

腸粉皮可以更薄,蝦肉爽彈,合格。




鮮果沙律鮮蝦筒

令自己想起係「東來順」的不快經驗,今次好好多,春卷皮炸得脆卜卜,蝦肉跟沙律好合拍,有時候星級餐廳未必好,平民餐廳都會有驚喜。




擂沙湯圓

一碟4件,口感QQ,可以一試。

皮蛋瘦肉粥

廣東開花米粥底,但幾杰身,好易飽肚,但好彩細細碗。




蒜蓉蝦蒸飯

用小鍋上,蝦蒸得有點乾身,下次可以不理。




魚湯浸菜苗

食得太多重口味,來碟清清地菜蔬,菜苗幾嫩,不錯。




胡椒鹹菜豬肚

豬肚同鹹菜都煮得好稔,幾重胡椒味,啱我。




鮑汁雞腳

好正常,純粹想啜下腳指,過口癮。




日式海苔茄子

茄子切粒後蘸上炸漿,都幾薄身,而且油份算輕盈。




椒鹽豆腐粒

其實可以炸得更乾身一點。


黃金涼瓜條

朋友指定要食,薄薄的一層咸蛋黃好香口。




乾扁蓮藕條

雖然服務員好心提過話好咸,但食落又不太覺得,反而好爽脆,幾惹味。




椰汁紅豆糕

至於壓軸食紅豆糕清清味蕾都好吖!

胃納有限,計落其實90分鐘內只係試了17款點心,當然會有滄海遺珠的感覺。

至於其他點心有金鈎潮州粉果、蜜汁叉燒包、馬蹄牛肉腸、珍菌松露上素餃、迷你焗葡撻、香芋鮮排骨、鮮竹牛肉球、金珠鹹水角、白肉鮮竹卷及豉椒醬皇蒸鳳爪,就算只得一兩件,大家未必可以試足咁多款。

甜品類仲有黑糖蜂巢糕、香草綠豆沙及金絲蜜糖脆脆

加上澱粉質類既XO醬炒腸粉、豉油皇炒麵、鹹魚茸雞粒炒飯及荷香珍珠雞

前菜及小食仲有白灼菜心、手拍青瓜、川味口水雞、冰鎮豬手、千島醬煙鴨胸、南乳雞中翼、紅腰豆雜果沙律及肉鬆豆腐,我諗一般人都係只可以食到15款左右,若然閣下係大胃王,又喜歡食點心,真係值得去試下。

 

地址 : 紅磡德豐街20號九龍海逸君綽酒店2

 

電話 : 29968459

 

味道 : 4  環境 : 4  服務 : 4  衛生 : 4  抵食 : 5  位置 : 4

 

希望各位喜歡這篇文章的朋友請在我的專頁上剔"LIKE"當作小小的鼓勵吧!謝謝!

 

http://www.facebook.com/foodiephilip

2020年9月21日 星期一

工廠區的寧靜 @ Hotel Ease 旭逸酒店 ( 葵涌旭逸酒店 )



 

近年多了工業大廈空置,活化便成了另一個生存空間,位於葵涌工業區內的 Hotel Ease 旭逸酒店,便是其中的一間。






由於是Semi-Buffet,除基本上的海鮮、沙律、前菜、甜品任食外,仲有六款美食可供選擇,當然是不同價位。

就先介紹是晚的六款主菜。



脆炸愛爾蘭帶子伴龍蝦意大利飯($208
飯粒加入龍蝦汁,倍覺惹味,但略嫌飯粒有點稔,帶子肥大肉厚,質地嫩滑,不錯。





酥皮焗英倫忌廉海鮮($228
其實是新英倫周打湯的變奏,材料非常豐富,有龍脷柳、海蝦、青口及帶子,佔了超過一半空間,酥皮焗得酥化,正好用來蘸點周打湯。



香煎比目魚伴紅菜頭及蘆筍苗($268
選用格陵蘭比目魚,魚皮煎得幾香脆,但仍感覺有少許腥,置底的紅菜頭蓉本身含水份較高,特意混和薯蓉,所以色澤變淡,味道還是可以的。




烤帶骨肉眼配 Yorkshire Pudding$298
畢竟自己是食肉獸,美國貨質素有保證,肉味濃郁,而且都幾大份,配上了肉汁,但個人始終喜歡簡單的下點海鹽,加埋 Yorkshire Pudding ,其實都幾頂肚。




牛油清煎薄豬排伴流心蛋 Pork Schnitzel with Poached Egg $248
肩肉位鬆軟有嚼口,而且肉味濃,絕不給肉眼比下去,把流心蛋弄穿,再沾上蛋漿,又是另一種風味,伴碟的德國酸青瓜蓉,酸酸地又幾醒胃。




Oven-roasted Pork Cracker with Caramelized Apple Salad $248
脆皮豬卷配焦糖蘋果沙律
今次主菜以英式為主,所以肉類都用上了英國豬肉,以slow cook4小時,再燒脆皮,感覺幾油膩,所以配焦糖青蘋果沙律來平衡一下味蕾。








主菜外,海鮮有翡翠螺、海蝦及藍貝




湯品有中西兩款,中湯是蕃茄薯仔排骨湯,味道稍淡,而西湯是蘑菇湯,有少許蘑菇粒,但同樣蘑菇味輕盈。








另外,仲有幾款甜品糕點及本地出品雪糕。

其實環境幾舒服,主菜表現不俗,去好少少既餐廳都要百幾二百蚊位,而且有75折或買二送一優惠,如果住附近的朋友想食好少少,都可以試下。


地址 : 香港葵涌圳邊街15-191

 

電話 : 3958 8355

 

味道 : 4  環境 : 4  服務 : 3  衛生 : 4  抵食 : 4  位置 : 3

 

希望各位喜歡這篇文章的朋友請在我的專頁上剔"LIKE"當作小小的鼓勵吧!謝謝!

 

http://www.facebook.com/foodiephilip