2019年6月18日 星期二

親親陽光~「 環保農莊體驗日」 @ 黃金海岸酒店 (屯門)


話咁快又到暑假,小朋友當然開心,但家人要為小朋友安排活動,真係頭都大。

就算閣下係虎爸虎媽,除了一連串補習班外,點都要比小朋友透透氣嘛!


家陣小朋友接觸得太多電子奶嘴,倒不如回歸自然,親親泥土與陽光。


香港黃金海岸酒店以前在屯門居住時經常過去,更不時用膳,但想不到原來酒店開闢了一角,以環保處理方法,種植了不少植物,更不定期舉辦「環保農莊體驗日」,歡迎家長帶小朋友參加,搖身一變成為小農夫。








未開始,先讓小朋友洗洗手,然後穿上保護衣袖及圍裙,真細心,然後再由專人帶大家在園內走一轉,介紹各種植物。




園內佔地不大,但種植品種極多,單是水果類已經有木瓜、西西里檸檬 、芒果、草莓番石榴 及香蕉,由於部份仍在成長階段,果實比較細小,未能採摘。









至於蔬果類,就有粟米、大冬瓜、牛角椒、茄子、通菜、豆角、青瓜及潺菜,由於大多數已足入收成期,小朋友可以親自從樹上摘取,對於生長於城市的小朋友而言,真是難得的體驗,部份粟米有小昆蟲在爬爬,小朋友都覺得有趣。








而香草類品種更多,有洛神花、迷迭香、萬壽菊、薰衣草、番茜、檸檬薄荷、班蘭葉、紫蘇、香茅、羅勒、到手香及麥杆菊,好多品種更是煮菜時或是日常生活中不可少。

較特別的就有長果桑及羅漢松,看起來還是BB期,好期待過多兩年會變成點?



近日天氣有點悶熱,放心,酒店早已預備冰水,好讓大家補充水份。




或者,大家會覺得酒店活動會好貴?咁就錯了,每位小朋友連同一位陪同家長,只不過$100 而且憑門票可享有同等值的餐飲折扣),已經包含了小朋友親自採摘的成果,既可增長知識,又可以與大自然做朋友,附近又有泳灘,熱熱地仲可以去沙灘游水,一舉幾得啊!

由於是不定期舉辦,大家可留意在facebook的公告,希望大家同樣擁有一個愉快的假期!


Facebook 專頁


希望各位喜歡這篇文章的朋友請在我的專頁上剔"LIKE"當作小小的鼓勵吧!謝謝!

沒有留言:

張貼留言