灣仔食肆何其多，但午飯時間，總是一位難求，難得有朋友預先拎定位，就算要排隊等電梯，都趕得切返工。
古琴雅苑已不是第一次造訪，無他，地點就腳，價位亦相當合理。
早前跟食友午膳，由於要遷就上班地點，二話不說，就在對面好了。
菜色都是由另一位朋友order，也好，省時免得動腦筋。
松花皮蛋拌豆腐（$69）
基本上都是現成食物的配搭，豆腐出奇地嫩滑，真心覺得好正，但皮蛋未至於溜心，蛋味淡，否則會加分。
揚州水晶肉（$79）
好傳統的前菜，肉味幾濃，個人喜歡水晶位較多。
宋嫂魚羹（$88）
玻璃芡似有還無，其實可以厚返些少，魚肉輕盈，味道調較得不錯，下點陳醋提鮮，效果更好。
蜜汁火方（
配荷葉包八件）（$188）
金華火腿薄切，都是一貫泡浸在蜜糖中，減輕咸香度，荷葉包新鮮熱辣蒸起，包埋一齊食，外層鬆軟，內裡咸甜夾雜，好味。
烤北京填鴨（$358）
只得4位，仲要有細食女仔，半隻已經好夠，先上幾片鴨皮，用砂糖蘸點，有種入口即化的感覺。
至於另外一種食法，當然係加入哈蜜瓜條包起一齊食，真是人間美
味。
蔥燒富貴魚（$228）
其實係多寶魚，不單魚肉，就連魚皮沾上蔥油都變得好惹味，加上無乜碎骨，食得好安心。
漁港飄香海珍鍋（$358）
材料份量十足，有帶子、鮑魚、海蝦同特大花菇，扣得好入味，玻璃芡夠薄，我鐘意，其實個醬汁已經包含所有海鮮精華，用黎撈飯一流。
荷葉杭州雞（$316/隻）
今次人數不多，只點了半隻，一般荷葉蒸雞都是味道偏清雅，今次口味較濃，但肉質依然嫩滑，有驚喜。
P.S : 由於快到父親節，但凡光顧4位以上套餐，將會奉送紅酒一枝。
地址 : 灣仔皇后大道東202號QRE Plaza 19樓
電話 : 23510528 /
69931025
味道 : 4 環境 : 4 服務 : 4 衛生 : 4 抵食 : 4 位置 : 5
希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!
沒有留言:
張貼留言