每次到訪帝京酒店的「花月庭」，總是帶給人驚喜，尤其是今次主題是《紫花之戀》自助餐。
大家可要留肚，因為在紫荊花下的甜品之多，同樣令人目不暇給，眼花繚亂啊！
焗西班牙香蒜欖油蝦
除了原有的菜色外，餐廳另外仲有兩款堂弄美食，先是焗西班牙香蒜欖油蝦，選用了褪殼的鳳尾蝦，把蒜蓉用橄欖油爆香，然後放入蝦仁炒熟，最後澆上酒再點火，即時香氣四溢，令人流晒口水。
火焰雪山
另一道好啱大人細路既火焰雪山。
火炙龍蝦配海膽汁
即叫即製，海膽汁濃稠香滑，跟龍蝦肉是絕配，尤其是龍蝦膏沾上了醬汁，就更加惹味。
籠仔海上鮮
每位客人會獲發一個小牌，憑牌可換取用小竹籠蒸的海鮮，內裡有鮑魚、花膠、龍蝦鉗及帶子，部分海鮮size雖然有點細，但是屬於贈送的，不可以要來太多，更何況花膠真的好大塊，一點都不含糊。
生蠔
美國生蠔
體形較大，蠔味稍淡。
Seafood
station
有龍蝦鉗、松葉蟹腳、凍蝦、青口及藍青口，個人始終喜歡啖啖肉的感覺，龍蝦鉗就最啱我。
刺身
有三文魚、吞拿魚、油甘魚、八爪魚、魷魚及鯛魚。
韓式燒烤
有五花腩、鯖魚、光洲松崗江牛肉餅、燒牛油帆立貝串及金菇煙肉捲。
五花腩燒至帶焦，陣陣肉香好吸引；牛油帆立貝略嫌燒得太熟，食落有點韌；反而金菇煙肉捲幾香口，不錯。
Carving
Station
香煎鴨肝伴藍莓黑醋汁
鴨肝煎得外脆內軟，油香幾重，加點藍莓黑醋汁，甜甜酸酸的感覺，正好平衡了油膩感。
燒美國肉眼
當然又是在中段時間先要，畢業肉質較鬆軟又有嚼口嘛！
麵檔
基本上，每次都有不同風味，而今次是韓國海鮮部隊鍋，配料有午餐肉、墨魚仔、芽菜、豆卜、蟹柳、青口、蝦仁、年糕、砂白及腸仔，種類都算多，但很奇怪，麵底只得烏冬及紅薯粉，而不是應該有的公仔麵，可惜。
熱葷
家鄉雞粥
想不到雞粥煲得好綿，廣東開花米粥底一流，略嫌雞肉份量較少。
泰式檸檬蒸魚
微酸及些少辣，食落好惹味。
鐵板岩漿鰻魚芝士飯
好正，鰻魚軟綿滑溜，加上芝士濃郁的氣味，好豐腴的口感。
泰式辣椒膏炒青口
辣度還可以再勁些少，青口肉嫩嫩滑又入味，反正食多幾隻都不會頂胃，唔理啦！
仲有煙肉雞卷伴蘋果紫甘藍、香煎鱸魚香檸紅菜頭忌廉汁、蠔皇鮮菌竹笙扒時蔬、塔香炒羊肉、韓式海鮮薄餅、鹵水豆腐、海鮮炒烏冬、印度咖哩雞、印度咖哩雜菜與及印度薄餅，熱葷種類不單止多，而且來自不同國家風味，難怪花月庭出名多花款。
燒味
海南雞飯
同集團好幾間Buffet都有海南雞飯供應，同樣地，水準非常好，由雞肉到油飯，其實可以放在中菜廳當作名物。
另一款是明爐燒鴨，亦是自家出品，皮脆肉香，正。
湯
味噌三文魚骨豆腐大根湯
三文魚味好突出，魚湯一向營養豐富，真係可以飲多幾碗補下。
中湯是合掌瓜甘筍豬骨湯，好夠火喉，味道濃郁，好有住家湯水feel。
至於西湯是佛羅倫斯海鮮湯。
芝士
提供了Edam Cheese、Camembert Cheese、Vanilla Cheese 及 Emmental Cheese。
前菜及沙律
都是以日系作主調，有梅子冷素麵、冧酒野莓沙律、紫薯蘋果沙律及甘辛黑豚大根櫻花沙律。
當然有自家製沙律吧，喜歡調製自家口味既人最啱。
Cold
Cut 有豬肉凍肉腸、牛蒡沙律、燒牛肉、四川香辣雞翼、煙三文魚及沙樂美腸。
甜品
甜品可說是花月庭一大賣點。
梳乎厘班戟伴紅芋忌廉
堂弄自然是一個亮點，熱辣辣的散發芳香，記得要試啊！
原味乳酪雪糕
大堂的乳酪機，客人大可自便任食。
至於甜品區當然有Movenpick雪糕啦，仲要有薄荷朱古力、楓糖合桃、芒果忌廉、士多啤梨、雲呢拿夢幻、瑞士朱古力、Panna Cotta 及 Tiramisu共8種口味，又有不同topping任加，真開心。
甜品分作兩區，先講糕點類。
有櫻桃乳酪慕斯蛋糕、沖繩菠蘿蛋糕、雜莓紫羅蘭無花果撻、玫瑰草莓西瓜忌廉蛋糕、沖繩紅芋忌廉蛋糕、薰衣草白桃忌廉泡芙、朱古力班尼士、巨峰提子水信玄餅、藍莓芝士蛋、Mini Cupcake、芒果千層酥、班蘭蛋糕、雜錦曲奇餅、葡撻及焗牛油麵包布甸。
由於仲有凍櫃甜品，先試了沖繩菠蘿蛋糕、巨峰提子水信玄餅及班蘭蛋糕，都是自家餅房出品，絕對不會令人失望。
凍櫃甜品
有北海道3.6牛奶布甸、櫻花柚子慕絲、熱情果慕斯、芒果布甸、朱古力泡芙、鮮奶南瓜糕、沙架蛋糕、雲呢拿慕絲伴泰國青檸果凍、紅棗糕、藍莓蜜柑奶凍、蜜糖黑珍珠膏、楊枝甘露伴白玉及綠茶牛奶布甸伴紅豆。
牛奶布甸充滿奶香，必食；芒果布甸香甜，加埋藍莓蜜柑奶凍，望住凍櫃，真係難以決擇。
糖果櫃
有小朋友既家庭就最啱，因為糖果櫃有沙香蕉、青檸檬、可樂樽、棉花糖、黑加侖子條、沙紅黑加侖及超酸香桃心。
飲品
大堂一個是自助飲品區，餐廳特製的蝶豆花特飲，酸酸甜甜非常之解渴， 不喜歡太可另點凍檸茶、奶茶及咖啡之類。
另外可加錢飲樽裝汽水（$8）與及椰青（$30）。
幾時都覺得「花月庭」既食物係無可能試得晒，下次去到，又有機會試新野，真好！
Facebook 專頁 : 花月庭
酒店專頁 : 帝京酒店
電話 : 2529 8933
味道 : 4 環境 : 4 服務 : 4 衛生 : 4 抵食 : 4 位置 : 5
希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!
沒有留言:
張貼留言