過完聖誕節，好快又到新年，當然要置新裝，就趁放假的周末，跑遠一點，到沙田的商場逛逛。
拎住大包小袋，又係時候醫肚。
沙田呢個商場，除了店舖多之外，食肆都是一個亮點，今次就選了Parkview。
餐牌有散點，亦有套餐供應，而部份散點餐，可以加錢（$45或$68）變成套餐，悉隨專便。
特級初榨橄欖油煮青口配薯條（$72）
青口本身好入味，但感覺乾身，估唔到薯條炸得香脆可口，似乎更加吸引，三扒兩撥清碟。
炸芝麻雞翼配水牛城辣汁（$72）
並非常見既雞中翼位，而係連翼尖，也好，可以多點嚼口，炸到外層脆卜卜，蘸點些少辣汁就更惹味，送啤酒一流。
葵花籽蟹肉忌廉南瓜湯
很鮮甜滑溜，舀一下，都有不少葵花籽及蟹肉，但質感似乎稍薄，如果濃稠一點會更好。
蒜香橄欖油烤嫩羊架（4支骨）（$248）
可能忘了交帶一聲，烤得全熟，肉有點韌，羊羶味都幾勁，不過食得羊肉又點會怕呢？
Dinner for 2
澳洲M5和牛西冷（12oz）（$598）
由於來貨關係，原先西冷改成澳洲M5和牛肉眼扒，點了最愛的 medium rare，火喉控制得不錯，一切開已見到嫣紅的肉色，有嚼口，但肉味稍淡。
卡邦尼意粉
麵條沾滿了醬汁，帶陣陣濃香的芝士味，而且又有嚼口，難怪太太同囝囝，三扒兩撥便清了碟。
蘑菇湯或沙律（每人可選一項）（加$35升級至酥皮龍蝦湯）
呷了口蘑菇湯，又是覺得質感較薄，但蘑菇味幾香，其實最好有點蘑菇碎粒就便好。
甜品
本身甜品是不知名的Gotcha，望望包裝，原來是泰國雪糕，而且是雲呢拿夾朱古力雙色味道，食落幾幼滑，竟然不錯。
若果想豪少少，大可另加$10，換成Movenpick雪糕，有
Swiss Chocolate與及Strawberry兩種口味。
飲品
橙汁並非鮮榨，而且比較細杯，有點兒童餐的感覺，可以的話，大杯少少吧！
整體表現不俗，出餐快，侍應反應快，所以食得快，結果翻檯自然快。
地址 : 沙田沙田正街18號新城市廣場一期1樓117號舖
電話 : 27727282
味道 : 3 環境 :
3 服務 :
4 衛生 : 4 抵食 :
4 位置 : 4
希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!
沒有留言:
張貼留言