2019年11月13日 星期三

花款多多爐端燒 X 北海道毛蟹 X 鵝肝燒飯團 @ Cafe on the PARK (尖沙咀中港城皇家太平洋酒店)


近日的爭議,無疑出入都令人費煞思量,難得平靜的三幾天,跟幾位朋友來個飯聚。



老實說,家陣市道真的麻麻,想要改善生意,唯有多花點心思。




Buffet食得多,但主打爐端燒的是少之又少,因為燒烤總是要花時間,而且又要多款式,真是倍添難度。






爐端燒北海道毛蟹

每位客人會獲發一張美食卡,憑卡可以換取一隻「爐端燒北海道毛蟹」,蟹身事先用味噌泡浸過,所以好入味,如果配杯清酒就更正。






爐端燒



波士頓龍蝦

凍既食得多,但任食爐端燒龍蝦就比較少見,多添了一份焦香,而無損龍蝦肉的爽彈,正。




另外,仲有必食燒海蝦、燒扇貝及燒牛舌,雖然好多人排隊,但多數都係等幾分鐘,師傅燒得好快手。




至於菜蔬有秋葵、日本蕃薯仔、翠玉瓜、茄子及小黃瓜,種類的確好多,如果係日式專門店,燒幾款已經三幾百個大洋,所以自助餐實在有吸引人的地方。



仲有極邪惡既鵝肝燒飯團,外層烤得微焦,咬落卜卜脆,內裡鵝肝軟綿,充滿了油香,又係必食。





其他值得一試既有海膽手卷、軟殼蟹手卷同埋蟹籽手卷



錫紙清酒煮蜆

海蜆食落無砂,已經有好感,加上蜆肉帶酒香,味道更吸引。




海鮮

長腳蟹爪、瀨尿蝦、東風螺、藍貝、海蝦及海蜆,雖然品質不錯,但今次似乎給爐端燒搶了風頭。





刺身

簡單的來個併盤,已經有螺肉、八爪魚、希靈魚、三文魚及吞拿魚,解凍處理得不錯。




熱葷



日式麵豉醬焗比目魚伴鮮冬菇配清酒牛油汁

比目魚啖啖肉又無骨,醃得入味,好正。




麵豉燴海鮮

海鮮材料豐富,但主角反而係蘿蔔,不單清甜無渣,就連海鮮味都吸收了。




吉列豬扒

炸得外層酥化,而且切成細件,無須整塊食,幾好。






另外,仲有戈壁風沙雞、香煎鴨胸配香橙、椒鹽魚骨腩及瑤柱金菇扒時蔬



Carving Station

燒原條西冷牛肉

雖然爐端燒受歡迎,但牛肉始終有愛好者,尤其是中間位置較生,而且有嚼口,我鍾意。





蒸海鮮及點心

有青口及魚柳,個人比較喜歡啖啖肉既魚柳。


而點心有叉燒包同燒賣。





亞洲麵檔

配料有砂白、魚柳、魚片及墨魚,而麵底是公仔麵、米粉及油麵,其他什類是金菇、豆卜、墨魚丸、牛丸 、韭菜花、油麥菜及白菜仔,對於澱粉怪既在下,當然要來一碗。




壽司

除了之前提過既海膽、蟹籽及軟殼蟹外,仲有腐皮包、鱈場蟹柳、北寄貝、熟蝦、鰻魚、三文魚、墨魚同埋吞拿魚,款式都幾多。




日式前菜
有和風八爪魚仔與及和風冷麵。





沙律
DIY沙律、阿拉斯加蟹肉伴紅石榴及柑橘、日式蘋果啫喱配鮮蝦、帆立貝及蘆筍長通粉配海鮮醬與及印度式燒南瓜及蜆肉沙律,其實配搭及味道幾特別,口感清新,值得一試。




芝士

EmmentalBrie de Meaux Gruyere




Cold Cut

有莎樂美腸、黑椒牛肉、凍肉香腸、巴馬火腿及挪威煙三文魚。




甜品



即製梳乎厘及雞蛋仔

梳乎厘是預期中的鬆軟可口,但雞蛋仔的蛋漿不夠平均。





Movenpick 雪糕
Panna cotta raspberry、楓糖合桃、冧酒提子、雲呢拿夢幻、綠茶雪糕、牛奶雪糕及雪米糍,口味都有幾款不常見,尤其是有雪米糍,可以拎多兩粒慢慢食。








係甜品櫃,有香芒布甸、朱古力忌廉泡芙、桂花糕、朱古力班尼士、法式燉蛋、牛奶蛋糕、日式朱古力餅、日式紅豆豆腐糕、紅豆和果子及藍莓芝士餅



個人始終喜歡香芒布甸的香滑甜美,與及充滿和風的紅豆和果子。



另一邊有芝麻糊、蘋果金寶、葡撻及軟心芝士撻



水果

對於一個好少買生果既人,係自助餐有人批埋皮切好一粒粒,梗係要食啦!今次提供了西瓜、菠蘿、哈密瓜、青蘋果與及提子,樣樣都可以食少少,真好。







地址 : 尖沙咀廣東道33號中港城皇家太平洋酒店園景翼2

電話 : 27382322

味道 : 4  環境 : 4  服務 : 4  衛生 : 4  抵食 : 4  位置 : 4

希望各位喜歡這篇文章的朋友請在我的專頁上剔"LIKE"當作小小的鼓勵吧!謝謝!


2019年11月7日 星期四

食得落肚既「大富翁」@花月庭 (旺角帝京酒店)



位於旺角帝京酒店花月庭,可說是造訪過最多的Buffet之一,就連結婚周年都曾經跟家人齊齊慶祝,無他,食物種類夠大,好啱不同年齡的家庭組合,而且不時改動主題,帶來了新鮮感。