美食焚化爐: 聖誕 Buffet 系列 ~ 活蒸龍蝦、火雞、拖羅、甜品陣※味蕾大滿足的一夜※@ Cafe Renaissance ( 灣仔香港萬麗海景酒店 )

2018年12月9日星期日

聖誕 Buffet 系列 ~ 活蒸龍蝦、火雞、拖羅、甜品陣※味蕾大滿足的一夜※@ Cafe Renaissance ( 灣仔香港萬麗海景酒店 )

感覺上，中秋好像昨天的事，轉眼間，聖誕的氣氛又逼近了。

作為最受香港人歡迎的節日之一，歡愉的氛圍下，當然要同朋友家人大肆慶祝一番。

不過成班人搵地方都好困難，食Buffet不單款式多，食完拍拍手就走，碗都唔使洗，超方便。

但要搵間有足夠空間，食物種類多，地點就脚的，實在要諗。

從灣仔地鐵站行人天橋過去萬麗海景酒店，都不過十分鐘脚程，幾方便。

如果人多，餐廳部份位置又可自成一國，無須怕騷擾別人。

講到食物，當然要提全港屈指可數的任食活蒸龍蝦。

活蒸龍蝦

每次到訪 Cafe Renaissance ，首選必食，一定係活蒸龍蝦，聖誕節期間回復供應，代替之前的芝士焗龍蝦，實在難忍，前前後後喪食了兩隻，足夠回本有突。

ARISTOCRAT 魚子醬

只要在12月25日當天，光顧 Lunch Buffet HK$888(原價成人HK$568)，便可享用Perrier-Jouet Grand 香檳一枝與及獲贈50克矜貴的ARISTOCRAT 魚子醬(最少兩位起)，更提供了貝殼匙，真令人意想不到。

生蠔

有即開 Pacific Oyster，蠔味不俗，邊位爽甜，畢竟酒店貨，比起近日遭踢爆用大陸貨既放題，更加明白何謂一分錢、一分貨。

另外，仲有鱈場蟹腳、藍青口及波士頓龍蝦鉗，但遇上任食清蒸龍蝦，當然有所選擇。

刺身

有三文魚、吞拿魚、刺身、仿鮑魚及鯛魚，但都不及限量供應的肥美拖羅，入口無渣，魚味香，好正，大家記得要拎。

壽司

有三文魚、吞拿魚、八爪魚、鯛魚、魷魚及熟蝦，因為有其他海鮮，暫且放埋一邊先。

Carving Station

原條 Roasted Prime Rib 連骨上，骨膜位的油香令味道更佳，唯一要挑剔係太熟，個人較喜歡 medium rare 的嚼口。

除了感恩節，火雞亦是聖誕節常客，Roasted Turkey 原隻烤焗，一般都烤到肉質粗糙，但今次有點驚喜，刻意薄切下，肉質比預期中出色。

由於去得好盡， Roasted Belly 實在要留返下次。

另外，有即煎羊架、雞肉沙爹、韓式牛仔骨、三文魚及肉腸，個人推薦韓式牛仔骨，不單入味，而且骨膜位有油香，正。

熱葷

有Sauteed Seafood、Sweet & Sour Pork及Braised Ox-Tail，只取了咕嚕肉試試，甜酸平衡度拿捏得幾好，不錯。

湯

雪梨雪耳燉豬𦟌

燉湯當然不會放過，盅盅都熱辣辣，湯色清澈，飲落清潤，好啱近日天氣。

Chicken & Vegetable Soup

甘筍、洋蔥及西芹煲至糜爛，甜味都跑到湯裡去，加上雞湯底好夾，又係值得飲多碗。

Miso Tofu Seafood Soup

實在飲不了太多，唯有放棄。

灼料吧

其實真係好鍾意佢哋嘅灼料吧，尤其是佢湯底有胡椒豬骨湯與及喇沙湯，係咁飲都好好味，真心推介。

麵底有油麵、瀨粉、米粉及粉絲；配料有秀珍菇、冬菇、芽菜、豆卜、魚腐、豬皮、魚蛋、新鮮雞肉及新鮮蝦仁，加埋小棠菜、生菜、娃娃菜及韭菜花，可說是特陣容鼎盛自己點了碗油麵溝米粉底既喇沙，辣辣地又有椰香，實在值得大家花點胃納。

Salad

其實好少自助餐有咁多款沙律，仲要有不同口味。

計落有Roasted Pigeon Zucchini Salad、Noodle Salad、Pork Belly Salad、Prawn Salad、Chicken Salad
、Potato Salad、Cold Spicy Chicken Feet、Egg Plant & Ham Salad 與及 Carrot & Turnip Salad。

芝士

簡單的有Danish Blue、Cheddar Cheese 及 Brie。

Cold Cut

至於 Cold Cut，就有Air-Dried Beef、Pepper Salami
Coppa、Dill Cured Salmon及Duck Liver Mousse，就算是膽固醇朋友，有點邪惡，都忍不住食了件鴨肝慕絲，口感豐腴滑溜，無後悔啦！

甜品

個人覺得甜品一向是餐廳強項，更何況遇上聖誕節，更加是餅廚大顯身手的好時機。

「聖誕甜品」

好多甜品都充滿了節日的氛圍，黑森林、聖誕Cup Cake、Matcha Tiramisu、Jingle Bell、Praline Trifle、Mince Pie、70% 比利時朱古力慕絲、Chestnut Mont Blanc、X'mas Wreath Cake、Mr. Reindeer及Chocolate Yule Log，基本上每款都試均，甜品迷真係會失控，實在有好幾款超吸引。