2018年11月3日 星期六

再度重遇「蟹」 @ 龍苑 (尖沙咀金域假日酒店)

踏入深秋,鵝、蛇、羊及蟹是最肥美當造的時份,對於一班為食鬼而言,當然是食指大動。



尖沙咀金域假日酒店內的龍苑中菜廳,菜色一向紮實有水準,兩年前自己的生日飯局與及老媽的壽宴,都是在龍苑擺設,可想而知,自己的確是支持者。
 
 



今次龍苑又推出了「蟹」逅在龍苑套餐,算起來連加一茶芥大約 $600左右,訂價相當親民,老實講,平日去一間普通酒樓晚膳,一家四口,炒兩碟菜,蒸條斤半都無既青班,人均都要二三百,偶爾付出多少少,食得好一點亦未為過吖!
 

 



生拆蟹粉小籠包

整個套餐就先由小籠包揭起序幕。

包皮搓揉得薄而透,輕輕夾起,又沒有破穿,柔韌有彈性,相當對板,咬開時,熱燙的肉汁隨之而來,大家可要小心了,蟹粉的香味與肉的鮮味夾雜,層次分明,實在好想食多幾粒。
 

 



蟹肉雞茸燕窩羹


可能太受歡迎,每每在套餐中出現,蟹肉多而無碎骨,已經值得一讚,埋芡亦夠薄,加上雞茸及燕窩,滋補養顏,內外兼備,鮮甜滑溜,真係諗起都想再食。
 



 
 

紫蘇蒸大閘蟹(一隻)


今年大閘蟹來貨緊張,基本上沒有食肆代理內地蟹,而龍苑已不惜工本,從日本引入大閘蟹,成本真的不平宜,如果套餐廳一隻未夠喉,大可追加,每隻另加$100,真係成本價,因為單點反而要$288 / 隻啊!


店方選取5兩左右蟹種,用傳統紫蘇葉隔水蒸,最能帶出原汁原味,拆開兩半後,嫣紅蟹膏出現,雖然未至於澎湃,但已經合格有餘,入口甘香豐腴,比起早兩年的荷蘭蟹,可說是完勝。



品嚐過後,再加杯薑茶來驅走寒氣,胃部暖洋洋的,說不出的享受。
 
 



花雕蛋白蒸蝦球

花雕味稍淡,蛋白只有薄薄一層,反而覺得啱啱好,蝦球爽口彈牙,火喉控制得不錯。
 

 



蟹黃醬吉列龍躉塊


龍躉塊炸得香脆鬆化,澆上蟹黃醬令口感更 rich
 
 


桂花炒蟹粉($298


另外在特選菜單中,追加了桂花炒蟹粉,炒得好乾身,銀芽啱啱熟,又沒有出水,蛋漿夾雜了蟹粉,多了一層香味,超正 。

 


香檳汁海皇蟹粉焗飯

又是老朋友,多年來保持水準,絕對不會令失望,海鮮炒飯底,加入了洋蔥,令味道更甜香,表面焗至微焦,實在好味。
 

 


黑糖薑茶湯圓

很喜歡薑茶的辛勁,甜度不會過份,芝麻湯圓柔韌甜美,作為壓軸真的最好不過。
 

 


柚子脆麻花($58

差不多每次到訪龍苑,都會必點的甜品,炸得色澤金黃,輕如無物,鬆化可口,再澆上柚子蜜,更加是人間美味。



整個套餐原價每位 $798,現在兩位起,每位 $458,價錢相當親民,又可以終於有機會拆蟹,滿足了心癮!
 
 
地址 : 尖沙咀彌敦道50號金域假日酒店低層1
 
電話 : 2315 1006
 
味道 : 4  環境 : 4  服務 : 4  衛生 : 4  抵食 : 4  位置 : 5
 
如果喜歡這篇文章,請在我的專頁上剔"LIKE",當是給我小小的鼓勵吧!謝謝!
 

沒有留言:

張貼留言