仍記得念書時，曾經在YMCA當過義工，渡過了一個有意義的暑假。
轉眼間，原址多了酒店，而且早前正值開業十周年，所以酒店內三間餐廳各自推出不同盛宴。
當中包括了《樂雅軒~ 手工菜·十全盛宴》、《 城景閣~10式蟹宴·海鮮自助晚餐》與及《Amazing~ 泰滋味·十全盛宴》 。
今次一口氣試了好幾款特色菜。
餐前送上的並非餐包，而是兒時摰愛的蝦片，炸得色澤金黃，咬落仍有餘溫，咬落卜卜脆，真係堅好食，好快就清倉。
泰式赤蝦刺身
超大隻又新鮮，食落鮮甜彈牙，肉質帶少許黏性，食材選得極佳，蘸點有青檸的秘製醬汁，酸酸地好醒胃，頭盤已經帶來好感。
青胡椒燒脆鱔金柚沙律
另一道菜充滿了泰式風情，鱔肉肥大肉厚，烤得油香四溢，以清新的金柚沙律來平衡油感，好味。
金不換芝士焗釀蟹蓋
將焗釀蟹蓋注入了泰國風味，餡料除了蟹肉，還有蝦膠及洋蔥，想不到芝士跟金不換的香氣又幾夾，雖然味道未必個個歡喜，但個人覺得有新鮮感。
芝士三層乳豬
乳豬是自家出品，質素有保證，乳豬皮下是蝦膠、芝士、青瓜及米通，很有趣的組合，既有油香、又有清爽、既有濃郁、又有清新，口感各有不同，層次分明，的確美味。
螺頭花膠招牌功夫湯
押上招牌兩字，當然有信心，湯色清澈，每口都是精華所在，入口順滑而甘甜，真是用時間換來的，將湯料用醬油蘸點一下來提鮮，又是一道美食。
沖繩岩鹽照燒皇后蟹腳半伴日式柚子醋汁
皇后蟹腳烤得帶焦香，加上沖繩岩鹽，令味道更鮮，伴上日式柚子醋汁，酸甜夾雜，好特別。
冬陰公煮皇后蟹
其實好鍾意飲冬蔭公，尤其是當中的海蝦及草菇粒，陣陣香茅的氣味與及辛勁，飲到額頭冒汗最過癮，但今次似乎少了點湯，說是汁還對辦，蟹腳早已破開，所以能盡情吸收湯汁，甜中夾有辛勁，效果又出奇地好。
鮮蟹肉蟹籽焗生蠔
單單焗生蠔已經好好味，以鮮甜的蟹肉及蟹籽，代替常見的煙肉，味道更清新。
金沙香蒜北海道圓趾蟹
圓趾蟹很少機會食到，食落口感似軟殼蟹，以咸蛋黃作金沙式煮法，極之邪惡，但又好誘人，用來送酒一流。
甜品寶盒
賣相充滿了仙氣，而且份量啱啱好，正好試多幾樣。
玫瑰花紅酒燴雪梨
有點法式甜品的感覺，雪梨用紅酒泡浸至深紅色，除了原有酒香外，更散發淡淡的玫瑰花香，正。
抹茶啫喱伴香芒楊枝甘露
今次是楊枝甘露進步版，在原有版本中加入抹茶啫喱，就連小朋友都鍾意。
芒果糯米飯
傳統泰式甜品，穩紮穩打，屬於泰國菜中不可缺少的一份子。
椰皇鮮奶布甸
四款中最喜歡，清香滑溜，甜而不膩。
整個Tasting Menu，涵蓋了酒店內幾間餐廳的出品，但風格歸一，有種新派泰菜感覺，令人有新鮮感，期待下次的新菜色。
地址 :
樂雅軒中菜廳
油麻地窩打老道23號城景國際1樓
電話 : 27833286
城景閣
油麻地窩打老道23號城景國際1樓
電話 : 227833287
Amazing
油麻地九龍窩打老道23號城景國際大堂
電話 : 27833268
味道 : 4 環境 :
4 服務 :
4 衛生 : 4 抵食 :
4 位置 : 5
希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!
沒有留言:
張貼留言