Italian Tapas Promotion（由1月4日至2月28日）
仍記得上年情人節，有同事想我介紹一間情調不錯，價錢合理的餐廳，當時二話不說，就提議了 Osteria，而事後問起，反應正面，總算沒介紹錯。
畢竟沒造訪一段日子，加上近日有新攪作，一間意大利餐廳，竟然推出
Tapas ? 實在好玄，就睇下係乜野回事?
HOT
炒藍青口（$98）
一向很喜歡用白酒煮的藍青口，今次以洋蔥絲炒香，肉質肥美，味道更誘人。
銀鱈魚慕絲伴扒玉米餅（$88）
賣相很有趣，起初還以為是西蘭花，原來是銀鱈魚慕絲，用玉米餅及黑松露片蘸起一齊食，更見層次。
意式焗茄子（$78）
面層是烘得焦香的芝士，用叉戳起茄子，發覺已焗得軟稔，沾滿了溶化的芝士，非常誘人。
羊肉球伴炒雜菌（$88）
雖然羊肉是主角，中間釀有流心芝士是更見用心，但雜菌滿有羊肉汁，變得好惹味。
熱食其實仲有芝士伴扒雜菜（$78）與及炸魷魚及朝鮮薊（$98） 。
COLD
生牛肉薄片伴火箭菜黑松露（$98）
幾種不同質感的食材組合，味道幾特別，愛吃牛的朋友值得一試。
蕃茄多士伴沙甸魚沙律（$88）
墊底的多士很香脆，加上中間的車厘茄甜美多汁，其實口感不錯，只是略嫌沙甸魚有點腥味，美中不足。
巴瑪火腿伴軟芝士（$88）
第一次食 Stracciatella 芝士，好香奶味，配以咸香的火腿，真是絕配。
煙三文魚伴羊芝士紅菜頭沙律（$98）
擺碟亮麗，三文魚肥美，紅菜頭清甜，與芝士在味道上好夾，不錯。
尚有意式八爪魚沙律（$98）、燒牛肉沙律伴藍芝士汁（$88）及油浸醃菜伴香草包（$78） ，但無可能一次過掃餐牌吧！
傳統海鮮辣蕃茄湯（$128）
幾乎每次到訪都會點的菜色，濃稠的蕃茄味，鮮甜帶微酸，令人好開胃，湯料帶子、蝦及魚塊，豐富可口。
辣肉腸薄餅配意大利藍芝士蕃茄乾（$228）
藍芝士未必個個喜歡，但自己卻是問題不大，薄餅底好香脆，熱力令芝士味更盛，入口帶少許辣，口感豐富。
自家製闊條麵燴燴牛尾汁、佩科-裹裏諾芝士
闊條麵沾滿了牛尾汁，依然保持柔韌的嚼口，散佈的芝士，更增添了香氣，好味。
龍蝦意大利飯（$278）
散發濃郁的蝦味，龍蝦鉗更是一早褪殼，可以混和飯粒一齊食，真係啖啖肉，如果飯粒可以更硬心一點更啱胃口。
香草加拿大牛柳（$398）
牛柳煎至 medium rare，外層帶焦香，肉味濃郁而且有嚼口，火喉啱啱好，跟本無須蘸醬汁，簡單的灑點鹽來提鮮已經好正。
特濃咖啡伴夏威夷果仁雪糕（$88）
將特濃咖啡傾注在雪糕面，令雪糕呈半溶的狀態，咖啡香味令雪糕更可口，真是一個完美的壓軸。
其實仲有好幾款 Tapas 還未試過，但供應期有限，或者是時候帶太太來渡過一個情人節。
地址 : 尖沙咀彌敦道50號金域假日酒店閣樓
電話 : 2315 1010
味道 : 4 環境 : 4 服務 : 4 衛生 : 4 抵食 : 4 位置 : 5
希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!
沒有留言:
張貼留言