2018年4月24日 星期二

石門最佳餐廳@ MoMo Cafe (沙田香港沙田萬怡酒店)

說起香港變化大,真的一點也沒錯,早幾年前,有親友做開荒牛,搬入石門公屋居住,但整條村只得一間超市,衣食住行都要老遠跑去沙田第一城,荒蕪得以為去了山區。
 係咁惡劣環境下,依然有間四星級酒店屹立多年,而且水準越來越好,有點匪夷所思。
 好少地方既 Buffet,座位可以有不同配搭,大至私隱廂房,細至小圓檯,當中仲有卡位同大方檯,而且座位間闊落,每個食物區分得仔細,加上室外的自然光,令客人倍感舒適。
 自助餐已不是第一次造訪,但每次入口就可以見到偌大的甜品區在向我打招呼。
 不過愛吃海鮮的我,當然由回本位開始。




Seafood Station
以大約$450左右,已經有任食半開波士頓龍蝦及龍蝦鉗,大部分都有嫣紅的蝦膏,加上啖啖肉既龍蝦鉗,食多兩round都差不多回本。
 另外,更有凍蝦、長腳蟹爪、青口及蜆,海鮮陣容雖未至於澎湃,但已經比當年越見進步。


 灼料吧
 朋友間都知在下是無澱粉質不歡,在灼料吧先挑選了菠菜麵,再落肥牛、 腸仔煙肉及雞肉,材料幾豐富,有興趣既,大可加埋旁邊既口水雞,湯底選了麻辣,食起來會惹味D

 刺身
 八爪魚、吞拿魚、希靈魚及鯛魚,原條即切,又毫無雪味,幾好。
 熱葷
 如果囝囝係度,呢碟沙嗲醬爆鮮魷恐怕會被秒殺,些少香辣,刺激起了食慾,鮮魷柔韌富彈性,好味。
 黑椒燒汁焗雞髀菇
 望望熱葷陣容,感覺幾健康,雖然用上黑椒汁,但畢竟雞脾菇是素食,用來中和一下吧!
 紅燒龍躉
 一般自助餐,九成都是清蒸海鮮,轉了花款,證明有放心思,值得鼓勵,原條龍躉以傳統紅燒手法處理,識食就一定食裙邊位及魚皮,膠質重又滑溜,大家試過就知有幾正。

 另外,更有青口配香草醋汁、雙菇扒時蔬、蜜糖子薑雞球
 及燒雞,其實每款都刻意地煮少少,一來避免浪費,二來不斷加添會熱辣辣得多。
 
 一向鍾情喝湯,今次在Momo Cafe 見到有即煮法式海龍皇湯 蝦、魷魚、魚柳、青口和蜆),質感濃稠,而且用料足,絕對要試。
 另外燉湯是雪梨燉赤肉,火喉十足,夠清潤,近日燥燥地最啱。
 而西湯是青口忌廉湯,滑溜甜美,用來配麵包是個不錯的選擇。
 鐵板燒

 牛仔骨、菠蘿、三色椒、海蝦及腸仔,燒得幾香口,如果有人喜歡喝上兩杯的就最好。
 芝士
 品種不算太多,只得Emmental CheeseCamembert CheeseEdam Cheese

 沙律吧
 除了可自製田園沙律外,又有煙三文魚、四喜烤麩、涼拌貢菜、滷鴨舌、桂花蕃茄及酸辣蓮藕,基本上都是屬於中式前菜類,尤其是滷鴨舌根本不會自己整,有時候每樣小小,反而好想食。
Cold Cut
青胡椒雞肉、蒜味凍腸及啤酒凍腸,想輕食的朋友,又多一個選擇。
 甜品
 甜品區就在靠近大門口處,相當吸睛。

 朱古力火鍋取代朱古力噴泉,有異曲同工之妙,同樣沾上朱古力漿,口感好rich
Häagen-Dazs
由最初的本地品牌,逐漸去到哈根大師,看得出有明顯進步,味道有香草、草莓及朱古力三款口味,全部都是獨立杯裝,清潔衛生,當然一口氣掃晒三款吧!








 掃兩款主力甜品後,仲有蜂蜜瑪德蓮、黑森林蛋糕、香濃朱古力布甸、烤焗麵包布甸配香草汁、朱古力撻、鮮果撻、綠茶芝士蛋糕、迷你cupcake、鮮果啫喱杯、蔬菜酥合桃丹麥酥、葡式蛋撻及椰撻
 可能食得甜品太多,反而喜歡清清地既啫喱杯,再加件蜂蜜瑪德蓮,味覺大滿足的一晚。
地址 : 沙田安平街1號香港沙田萬怡酒店
電話 : 3940 8788
味道 : 4  環境 : 4  服務 : 4  衛生 : 4  抵食 : 4  位置 : 3
如果喜歡這篇文章,請在我的專頁上剔"LIKE",當是給我小小的鼓勵吧!謝謝!

2018年4月21日 星期六

其實.......我好細食 @ Mirage Bar & Restaurant (灣仔香港萬麗海景酒店)

年輕時,曾在45分鐘內鯨吞20 regular size 雪糕,食Buffet 亦可狂掃海鮮、刺身、牛扒、甜品再加兩碗麵都無問題,仲可以隔一陣再食過。


 


 

2018年4月19日 星期四

33歲的成就 @ Ozone (尖沙咀環球貿易廣場(ICC)香港麗思卡爾頓酒店)

 
諗起33歲時,我仲係只會終日想跟太太逃出香港,周遊列國,享受二人世界。
 
 想不到智利籍的 Roberto Riveros,已經當上了麗思卡爾頓酒店內的 Ozone 大廚,早前就在全港最高酒吧內,品嚐大廚主理,帶現代風格的地中海及西班牙私房菜。
 


2018年4月18日 星期三

一年一度又開年 @ 帝京軒 (旺角帝京酒店)

說起來,新年已過了一段日子,但朋友間飯局卻停不了,早前就跟朋友在帝京軒飯聚。
 
 杏汁白肺燉花膠
 燉湯已經花時間,更要用上花功夫清洗的豬肺,踫上近日咳到甩肺,正好補補,加上滋補的花膠,湯色呈奶白色,好明顯用上長時間隔水燉,入口鮮甜香滑,正。
 
 金榜
 
 

今天共妳一起去飛 @ 龍苑 (尖沙咀金域假日酒店)



 

2018年4月16日 星期一

美食呈獻喜極「泰」來自助餐 @ Yamm ( 尖沙咀The Mira Hong Kong酒店 )

 
 
 
 
 
 
每個國家,都有屬於自己的節日,適逢泰國潑水節,The Mira 內的自助餐殿堂 Yamm,在泰國政府旅遊局及美麗華旅遊支持下,第四年主辦泰國盛宴;今年主題是喜極「泰」來更聯合曼谷素凱泰酒店,呈獻地道的泰式美食!
 

2018年4月10日 星期二

2018年4月6日 星期五

免費、放電、人人有禮物~~「 滙豐社區同樂日」@印度遊樂會(銅鑼灣)

今個星期仲係復活節加清明大假,如果不是外遊,要諗節目比小朋友都幾頭痕。
 
今次滙豐及東華三院首次舉辦的 滙豐社區同樂日」  ,由45日至8日係銅鑼灣加路連山路印度遊樂會舉行,最難得係全部免費。
 

2018年4月4日 星期三

頂級美國牛肉配以鴨肝的火花@Bistro on the Mile (尖沙咀金域假日酒店)

如果大家喜歡食牛肉,或者今次 Bistro on the Mile 的全新 Buffet,足以滿足閣下味蕾。
 
 既然今次主題是牛跟鴨肝,就先講講兩位主角。