經常有朋友問我邊度有抵食嘅buffet， 講真吖， 閒閒地都過500蚊一位，如果要找具質素，而又在三百蚊左右的，實在有難度。
早前聽過食友介紹位於天后的Corner
18，主打避風塘菜式，對於有咁上下年資既人，每每回憶起年輕時美食的風味，既然所費有限，當然要試試。
酒店位處天后地鐵站對面，過一條馬路就到，地理環境超方便。
餐廳一邊面向大街，夠盟揚，而且擺位闊落，感覺良好。
Seafood Station
鱈場蟹腳、翡翠螺、青口及凍蝦種類不算太多，但質素不錯，蟹腳鮮甜而翡翠螺煙韌，都食得過。
刺身
有立魚、吞拿魚、八爪魚及三文魚，只是預先切好，容易給客人摷亂，不過食落都幾肥美，可以收貨。
冷盤小食
鹵水豬耳
賣相並非常見的亂切一通，反而係似千層峰，薄薄的一片，鹵得又夠入味，爽脆可口，送啤酒一流。
鹵水拼盤
有紅腸、豬手、雞腎、鴨肉及墨魚片，都屬鹵水常客，同樣入味，豬手更是不可不食。
熱葷
今次主打避風塘菜色，避風塘炒辣蟹當然不能少，咬落一陣辛勁，辣味都滲入蟹肉之中，超惹味。
XO醬清蒸扇貝
略微過火，所以肉質有些少韌，但食肆為了安全，普遍都會蒸得熟一點，也是無可厚非，加入了XO醬，味道更添香口。
辣酒煮翡翠螺
不用花螺而選用翡翠螺，肉地更厚，個人喜歡味辣可以更強烈。
豉椒炒蜆及青口
年幼時跟老爸在街邊吃得最多的小食，但總是尋不回昔日的風味；蜆肉雖然偏細，但無乜砂，食得安心。
椒鹽雞中翼
香口菜色，夠乾身，如果配上一杯啤酒就更正。
煎釀三寶
又是小時候經常買返屋企加餸的小食，炸得色澤金黃，並非用上「萬年油」，而且油份瀝得清，不帶油膩感。
豉油王蟹油炒麵
油份比較重，但蟹油香氣獨特，如果加點辣椒醬就更加惹味。
白飯魚煎蛋
很家常的一道菜，能夠薄身一點會好得多。
另外更有非常香口的蝦膏醬蛋白海鮮炒飯、蠔皇鮑菇娃娃菜及白灼水魷，都是佐酒的妙品。
配料有水魷、免治牛肉及魚條，廣東開花粥底幾綿，不介紹胃納的大可一試。
湯
蕃茄忌廉湯
質感滑溜，而且酸酸地幾開胃。
蓮藕淡菜煲豬骨
中湯夠火喉，經常在外用餐，忍不住喝了兩三碗。
自製沙律吧
想食得清清地，又可以係沙律吧自行炮製個人口味的沙律。
甜品
很有趣，近年有不少自助餐，都會擺上自助班戟機，或者是可以省減人手之餘，又可以提供多過選擇。
甜品主打有芝麻糊、蛋撻、煎堆仔、豆腐花、芒果蛋糕、栗子蛋糕、芝士蛋糕及Tiramisu，種類未算多，但質素不錯。
加埋紅豆雪糕及朱古力雪糕，收貨啦！
壓軸每位客人送上炸雪糕球，外脆內軟，冷熱夾雜，超正。
而橙汁、奶茶及咖啡是任添的，如果用信用卡找數，更有優惠，當日算起來不用三百蚊位，都幾划算。
地址 : 天后英皇道18號如心銅鑼灣海景酒店1樓
電話 : 35532667
味道 : 4 環境 : 4 服務 : 4 衛生 : 4 抵食 : 4 位置 : 5
希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝！
沒有留言:
張貼留言