年前曾經造訪過一次，餐廳地點旺中帶靜，食物水準不錯，今次放低兩位囝囝，跟太太好好享受一下二人世界。
餐廳沒多大的改動，但食物的品種及深度是較之前有長足的進步。
Seafood
Station
陣容的確比之前強大得多，單是有龍蝦已經有誠意，以作價 $400左右，足以令閣下回本，更何況有長腳蟹爪、麵包蟹、褪殼海蝦、翡翠螺及青口，在海鮮吧走一回，就連自己都半飽了。
除了龍蝦肉質爽彈外，麵包蟹滿是蟹膏，不過外殼太硬，消滅時要花點功夫。
至於其他幾款海鮮，都沒有令人討厭的雪味，值得一試。
如果單憑海鮮作賣點似乎太單調，先取來即煎法國鵝肝，外層煎得微脆，內裡即化的感覺真奇妙，就算是膽固醇之友都不理了。
另一道即煮的Spaghetti Carbonara，滑溜甜美，但麵條煮得偏腍，欠了嚼口，有改善的空間。
同樣地，Meat Ball Spag w/ Tomato Sauce微微果酸令人胃口大開，但麵條煮得太耐了。
BBQ Station
在BBQ位有海鮮、和牛及羊架，一口氣取來海蝦、燒蠔、和牛及羊架。
海蝦燒至外殼卜卜脆，肉質彈牙，又夠大隻，絕對要試；燒蠔香口惹味；和牛肉味濃郁又有嚼口；羊架不會太臊，幼嫩的肉質，平常人都會接受。
刺身
有北寄貝、八爪魚、赤貝、三文魚及甜蝦，品種上比起一般buffet中見到的還要多，各自取了一些，質素不錯，倒是吃了一round又一round。
Carving Station
切了薄薄的一片燒有骨牛肉，大概是七成熟，畢竟個人喜歡medium rare的質感，始終覺得有點結實，但肉味還是可以的。
Cold Cut
有沙樂美腸、西班牙黑毛豬火腿、煙燻三文魚，選擇不多，但水準不俗。
湯
雪梨煲瘦肉湯與及周打魚湯。
熱葷
在牛肉咖喱、孜然豬肉串燒、孜然羊肉串、炭燒豬頸肉、薑蔥炒蟹、翡翠扒螺片及清蒸鱸魚中，都先後試過，孜然羊肉串香料味突出，肉質軟腍；炭燒豬頸肉香口又惹味；薑蔥炒蟹非常入味，但蟹細肉少。
整個Buffet另一賣點是有砵酒、雪厘酒Sherry Wine任飲，而且一早放入雪櫃內，入口透心涼，然後是一道辛勁直衝喉嚨，很有趣，小小的一杯，喝了也不怕醉，不妨試試。
如果愛喝幾杯的朋友，亦可選擇紅、白酒任飲，只須加 $88，小朋友就有橙汁、蘋果汁及西柚汁任添，夠方便。
甜品
有個人喜歡的哈根大師雪糕，當中有香草、草莓、朱古力及咖啡四款口味，當然一口氣都吃過，甜品果然是另外一個人胃，雪糕過後，又要再食甜品。
有Tiramisu、軟芝士蛋糕、美國芝士餅、Macaroon、泡芙、椰撻、果撻、Panna Cotta及班戟。
雖然已經飽到上心口，但都忍不住往甜品吧走一轉，當中Tiramisu鬆軟又濕潤；Macaroon外層未夠脆；Panna Cotta幼滑有奶香。
其實連加一都不用 $500，已經有龍蝦及麵包蟹，其他BBQ食物有水準，地點就腳，從天后地鐵站慢慢走過去大概5分鐘腳程，相信是一個不錯的選擇。
地址 : 天后銅鑼灣道148號香港銅鑼灣維景酒店2樓
電話 : 2600 1188
味道 : 4 環境 : 4 服務 : 4 衛生 : 4 抵食 : 4 位置 : 4
希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!
沒有留言:
張貼留言