自從上次參與Openrice的活動後，算起來至少有半年沒有過來。
早前聽食友提起，竟然加入了Buffet最受歡迎的即開生蠔，而價錢只不過$300左右，簡直難以置信。
生蠔
原來餐廳共有六款蠔提供，每日會供應2至4款，要睇貨源而定。
前者肉質較甜，而帶子位爽口，海水味不俗；而美國蠔近年體形已較早幾年的細少，未知是特意培養，還是不同品種，但肉質已不會過於creamy，蠔味亦開始慢慢釋放，的確是一個好轉變。
而問過餐廳，其他幾款是Irish Rock、South Africa、蘇格蘭及Coffin Bay，遇上邊款，就要睇大家運氣。
Seafood Station
有蟹爪、青口、熟蝦及花蛤，不算特別多，但部份質素比起之前，buffet的性價比是提高了。
刺身
有鱲魚、吞拿魚、三文魚、希靈魚及醋鯖魚，解凍處理得不錯，沒有討厭的雪味。
熱葷
當然有幾款回本位，但往往只出一次，如果坐房未必注意到，點心式的鮑魚酥、西式的芝士焗鮑魚及傳統式的薑絲果皮蒸鮑魚，各自有不同風味。
另外餐廳名物是京都骨，陣陣醋香四溢，骨膜位充滿油香，的確不錯。
蒸魚只是簡單的鱸魚，但很火喉掌握得好好，肉質嫩滑。
想不到豬腳薑勁受歡迎，炆得夠稔及入味，薑又不會太辛辣，偶爾來一碗都不錯。
白汁龍脷魚柳，畢竟是雪貨，雖然無骨，但稍欠魚味。
還有炸蝦丸、春卷、XO醬翡翠炒豬頸肉、咖喱燴雜菜、咖喱三文魚頭及什腸。
灼料吧
只是提供丸類及菜蔬，似乎單調了一點，乾脆用蒸鮑魚當作配料。
生滾粥
挑了皮蛋及雞件，粥底是廣東開花粥，幾綿滑。
湯
赤靈芝豬展煲雞湯夠火喉，呷一口很清甜，不錯。
畢竟還要預留空間給甜品，自製沙律、煙三文魚、芝士番茄及凍肉併盤都已經撐不下。
甜品
首選當然係Movenpick士多啤梨及香草雪糕，各自掃了兩球。
再來鮮果杏仁豆腐、桂花糕與及玫瑰荔枝奶凍，甜而不膩，而且感覺清新。
由於已經太飽，朱古力泡芙、朱古力慕絲、綠茶奶凍、日式芝麻豆奶布丁、朱古力冬甩、雲石芝士餅、Lemon Crumb Bar、Brownies及即製豆腐花，都只好放棄 。
自助茶水吧
選用Dilmah 品牌，而且款式又多，餐後喝一杯很舒服。
以大約$300左右能夠有即開生蠔提供，在buffet中已很難找到，也許地點未必就腳，但距離海洋公園不太遠，正好玩完之後來充電。
P.S : 優惠價包加一，星期一至星期五及公眾假期前夕 (成人 $329 / 小童及長者 $189) ，星期六、日及公眾假期
(成人
$359 / 小童及長者 $209) (成人 $329 / 小童及長者 $189) ，優惠期由4月5 日至5 月31日 (除5月7日及8 日)
電話 : 3968 8833
味道 : 4 環境 : 4 服務 : 4 衛生 : 4 抵食 : 4 位置 : 3
希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!
沒有留言:
張貼留言