老實講，自從海洋公園開業以來，每年都會去三幾次，就算廸士尼的出現，都無損樂園在香港人心目中的地位。
以前囝囝只得幾歲時，每次造訪，都要自備奶粉或粥仔，真係諗起都頭痕。
但自有海龍王餐廳出現，囝囝每次入園都會直衝去餐廳，追到我氣咳。
而近日餐廳同經典紙牌遊戲大富翁合作，推出「大富翁下午茶」，每天下午2:30pm到4:30pm供應，兩位用都只不過是 $298，旁邊是兩層樓高的落地玻璃，成千條魚包括魔鬼魚同鯊魚，係身邊游來游去，非常難得的體驗，足以令大家走一轉。
整個下午茶由咸點及甜品組成，以大富翁遊戲板當作餐具，每一步都係海洋公園內的展館名稱，另外以曲奇做棋子、蛋糕做機會牌與及以白朱古力做骰子，全部都可以食落肚，真有趣。
鮑魚芝士蛋批 (澳洲鮑魚)(兩件)
藏身在「MONOPOLY」曲奇之下，外層帶少許酥化，芝士味較淡，相對容易接受，咬落有鮑魚柔韌的口感，不錯。
煙三文魚 (加拿大或挪威三文魚)(兩件)
上面同樣放上曲奇，很欣賞餐廳選用環保海鮮的概念，貫徹了海洋公園的主題，魚肉充滿了煙熏的香氣，令整個下午茶的組合不會太單調。
龍蝦碎蛋三文治 (加拿大龍蝦)
在麵包扒面印上了遊戲中的圖案，很有趣味，而由於用上了龍蝦肉，份量雖然不多，但都吃得出蝦肉的爽甜，加上與蛋碎又配合，個人幾喜歡的其中一道小食。
芝士火腿三文治
無論味道或賣相略為普通。
酥皮腸仔卷
酥皮似乎吸收了太多水份，鬆化感已經受到影響，或者一上檯時就要即食，效果可能會好一點。
芒果慕絲餅
太太最愛，因為又甜又香，質感滑溜。
美式芝士餅
甜而不膩，芝士夠滑，比預期中出色。
雜錦曲奇
部份曲奇可能受潮，口感及味道都受到影響，但基本上都算鬆化。
迷你朱古力
兩粒白朱古力賣相，係兩粒骰仔，貪得意投擲一次，但永遠沒可能有12點，因為兩粒骰都係無6點既，玩死人=^^=，而且食落都幾甜。
餐飲只係簡單的來一杯凍檸檬茶，茶香不俗，而且糖漿是自己調教，無須再飲糖水。
另外跟太太分享了海洋公園親親動物月四道菜套餐
($468) ，所選的全都是餐廳的名物，而食材同樣是用上可持續海鮮，令大家在享受美食時，亦能為環保出一分力。
開胃菜
芥末子香草醃三文魚
選用加拿大或挪威三文魚，其實食得出野生與飼養的有幾多人吖，個人覺得味道及質感分別不大，但同樣可口嫩滑。
餐湯
龍蝦濃湯
以大量龍蝦殼熬製，每口都是龍蝦的精華，質感濃稠，又有澳洲龍蝦肉作配料，爽口彈牙，吃得出的新鮮。
主菜
將三款主菜置放在同一隻碟奉客，令人同一時間有三種不同享受。
醬燒三文魚配有機奇雅籽沙沙
當然是用上環保海鮮的加拿大或挪威三文魚，吃著並非濫捕下的產物，人也安心得多，不過三文魚又真的過了火，肉質偏硬，畢竟個人太喜歡slow cook的質感了。
脆米避風塘大蝦
把原隻澳洲老虎蝦烤得卜卜脆，就連蝦殼都可以食落肚，蝦背的腸臟亦早已挑去，既乾淨又衛生，不過脆米好辣，大家要小心。
招牌海龍王炒飯 澳洲鮑魚、加拿大龍蝦及加拿大帶子
只有小小的一碗，不過好足夠，飯粒難得的乾身，幾款配料切的細碎，又有嚼口，出奇地好味。
杏仁朱古力咖啡泡芙
未咬之前還以為會死硬，點知除了表面層朱古力較硬之外，其他都好軟綿，比起不少專門絲毫不落下風。
囝囝點了海洋列車兒童套餐 ($198)
起初以為無啦啦放件玩具比小朋友玩，點知一打開列車頂，發現原來是兒童套餐，內裡有鬆脆薯格、炸雞寶、鮮茄雞肉螺絲粉以及雜錦蔬菜。
基本上都是屬於小朋友至愛食物，又有健康既蔬菜，可以照顧到小朋友既健康，令家長都安心。
另外仲有一杯橙汁與及連大人都鐘意既Häagen-Dazs迷你雪糕杯。
其實整個四月，海洋公園都有不同的活動，簡單一點，大家可以在不同的展館找到共8種顏色的組合，只要用手機或相機拍下相同顏色展示牌，每個組合都能獲得一次抽獎機會，當中有海洋公園免費入場劵、飲食優惠劵及大富翁紙牌遊戲，大家入場去玩之餘，記得去影相呀！
電話 : 3923 2161 / 3923 2162
味道 : 4 環境 : 5 服務 : 4 衛生 : 4 抵食 : 3 位置 : 3
希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!
沒有留言:
張貼留言