早年在深圳開得成行成市的辣蟹，多數會選用死蟹或次貨，用大量蒜蓉來把異味蓋過，但紙包不住火，結果只有結業，而且令喜愛吃辣的朋友，多添了戒心。
反而香港不少艇家上岸後開店，憑藉手藝，慢慢建立口碑，分店是開了一間又一間，今次興起，一口氣訂了三張檯，店方亦安排了房間，地方闊落乾淨，又聞不到空氣中的異味，感覺良好。
菜單是早早跟店方講好，位位$350，又可以免開瓶，不錯了吧！
「雙喜臨門（香辣鴨舌、手拍青瓜）」前者真的充滿了辛勁，入口陣陣麻辣，而且肉質充滿嚼勁，用來送啤酒一流；後者清爽惹味，都是一個不錯的前菜。
「脆皮桶蠔盞（紅酒汁)」外層脆漿炸得微微酥脆，而內裡依然保持肉汁，再澆上紅酒汁，食落十分惹味。
「蒜蓉粉絲蒸蟶子皇」原隻逐位上，味道很鮮，而且柔韌，只可惜蒜蓉汁偏少，令至粉絲變得太乾，美中不足。
「椒鹽珍寶瀨尿蝦」拖油後斬件，一隻分成三件，店方果然是同類店老手，蝦殼香脆而肉質一點都不覺「稍」，偶爾吃了蒜蓉粒，反而令味道更強烈。
「辣酒煮花螺」是另加送的菜色，辣度反而是緊次於辣蟹，選用指頭大小花螺，非常入味。
然後是整晚的主角「喜記正宗炒辣蟹」 ，之前看過其他食友的評價，認為不足秤，可能是店方連那條有幾兩重的紮蟹繩一齊計算，如果計淨重量，可能會少點爭執；今次用上肉蟹，大量炸得金黃的蒜蓉，散發出陣陣帶辣勁的蒜香，每碟有兩隻逾斤四的肉蟹，在下老實不客氣拆蟹蚶試試，真的肥大肉厚，肉質嫩滑；眼見蒜粒惹味，再另加一碗白粥拌食，滿是油香，又有少許麻辣，不怕死的可以試下。
作為條頭班， 「古法蒸沙巴龍躉」蒸得過了火，部份肉質死實，薑蔥絲還可以重手一點，因為在下鐘意食。
「鮮蟹肉扒荳苗」份量十足，貨真價實，偶有碎殼亦問題不大。
「喜記頭抽雞煲」反而有點意外，雖然雞皮色澤未至於深黝，但醬汁味道已經滲入雞肉，但肉質依然嫩滑，其實水準合格有餘。
押上招牌兩字， 「招牌蟹油炒面」當然有所期望，賣相簡單反而顯功架，麵條的確夠乾身，碟底亦不見過多剩油，但稍嫌鑊氣不足。
自少在碼頭附近玩，見證泥鯭的食物，加上多骨，所以一直都係避得就避，今次只試「生滾泥鯭粥」的粥底，米是廣東式開花米粥，夠綿及滑，亦不覺魚腥味，但始終沒吃魚。
想不到甜品中的「流沙奶皇包」 ，比預期中的好，一撕開兩半，便會看見熱辣辣的流心，而包皮鬆軟，未知是否來貨加工，但值得一試。
「楊枝甘露」似乎偏向濃稠，而在下喜歡的芒果可以再多一點就更好。
地址 : 銅鑼灣謝斐道440號地下及地庫
電話 : 2575 7565
味道 : 4 環境 : 3 服務 : 3 衛生 : 4 抵食 : 4 位置 : 3
如果喜歡這篇文章,請在我的專頁上剔"LIKE",當是給我小小的鼓勵吧!謝謝!
沒有留言:
張貼留言