2011年11月4日 星期五

穿越陰陽界~~~生記

在一條人生必經的小街,四周充滿著沉鬱的氣氛.

 

入夜後,空氣中總是在花香中夾雜了陣陣香燭味,多奇怪的組合,走在路上,不期然泛起莫名的恐懼,身邊彷彿有另一個世界的東西伴你同行.

 

就在這穿梭陰陽界的街道上,理應行人稀少,偏偏有不少人氣食肆存在,而且大多數客人,都不介意坐在路邊晚膳.

Picture

 

早年已聽聞此店,今次由南瓜兄吹雞,一眾新舊食友相聚,當中更有第一次踫頭的食友.

Picture

翻開餐牌,自然由攪手發辨,先來一份炸八爪魚丸($40),蘸粉之後再炸,色澤金黃,時間掌握得不錯,雖然有泰式醬汁蘸點,但個人一向偏好食原味,咬一口,只覺墨魚味未夠突出,肉質比想像中鬆散,似乎有改善的空間.

PicturePicturePicture

 

如果說店方的招牌菜,就一定膏蟹粥($208),用砂鍋原煲煮,原煲上,賣相澎湃,用上兩隻膏蟹,而蟹膏都通通滲入粥底之內,將整鍋粥都變成一片深黃,聽聞之前有人說是水蟹粥,難道已經改餐牌,抑或是水蟹膏蟹不分?奇怪,呷一口粥,軟綿綿夠濃稠,豐腴滑溜的感覺,從咽喉慢慢流入胃內,少遇到的水準,作價二百左右,真的食得過.

PicturePicture

 

店方另一名物是冬蔭功浸蜆($65),但一放上檯已經知出事,小鍋內冬蔭功湯只得小半,擺在上面的幾件蜆肉,看來沾不上半點湯汁,蜆肉似乎用上食店大路手法,先烚開,到用時再加入煮好,一來避免有部份未熟,二來可以將變壊的剔除,三來可加快上菜速度,只不過會將蜆肉的鮮味都灼走了.

Picture

老實講,冬蔭功味道的確不錯,香茅味不會太搶,微微的辛辣,有刺激味蕾的作用,如果有少許粉絲吸吸湯汁就一流了.

 

用蠔仔作餡料算是第一次踫,蠔仔春卷($58)效果竟然不錯,外脆內軟,蠔汁都鎖在春卷皮內,咬開熱辣辣,蠔味鮮濃,咬落不見碎殼,洗得夠清,好難得,個人幾欣賞的一道菜.

PicturePicture

 

鴛鴦膏蟹大碗麵($148)又是賣相滿分出品,充滿蟹汁及蜆汁的湯底,每一口都是鮮甜,但伊麵淥得未透,亦吸不了湯汁,實在有點浪費,膏蟹份量足,如果是蟹痴就一定滿意.

PicturePicture

 

論賣相跟口感,蜆肉春卷($40)與蠔仔春卷差不多,如果不切開,相信都估不到,可能在食材挑選上,有相近的地方,畢竟蠔肉汁會豐富得多,而且味道偏向較濃烈,再加上先上蠔,後上蜆,重口味先行,結果是後者給比下去.

Picture

 

雖然店內沒華麗的裝修,個人覺得店方用踏實態度來經營,選料絕不欺場,上菜速度又快,價錢實惠,但部份出品在賣相或口感上似乎過於相近,似乎是左手打右手.

地址 : 紅磡老龍坑街13號地下

電話 : 2334 7573 / 9790 8882
味道 : 4  

環境 : 3  

服務 : 4  

衛生 : 3  

抵食 : 4

地點 : 3

沒有留言:

張貼留言