2011年11月15日 星期二

除了鮑魚,還有什麼?~~~六福菜館

年入西貢,多數會光顧海邊的幾間食店,全是大路貨色.貪方便就腳,直到米芝蓮報告一出,先知道附近橫街有食店隱身其中,只不過一直沒機會試試.

 

遇上周日,如不是事先BOOK好檯,根本無機會食,而且店方同沿岸幾間食肆一樣,海鮮可以係附近街市買好,再交回店方處理,而只不過收回醬油錢.

 

可能時間尚早,街市內有特色的海鮮不多,就連大蟶子也沒有.但六福最出名是椒鹽鮑魚,就一定要買夠大隻的.

PicturePicture

白灼東風螺 : 不論在食味或肉質上跟花螺真是沒得比,雖然已經挑手指公大小貨色買,但味道未夠鮮甜,韌度亦比花螺結實.所以兩者售價相差很大.

Picture

 

西貢地道魚湯 : 問店家用上什麼魚,也說不出一個實在,講真,用的多數是什魚及未能上枱的細魚,煲湯魚味濃郁,奶白色的湯底,呷每口都充滿魚香,醇厚甘甜,海魚本身的精華,通通都滲入湯底,難怪受歡迎程度,不下其他幾道名菜.

Picture

 

椒鹽奇趣豆腐 : 實在出色的一道菜,炸得微黃的表皮,色澤均勻,油溫處理得恰到好處,薄薄一層椒鹽粉,帶少許辣味,大廚手法熟鍊,每一件都非常完整,表皮雖然薄,但依然脆口,豆腐卻又嫩滑討好,單是這道菜,已經值得來跑一趟.

Picture

 

椒鹽鮑魚 : 有說是店方首創,但另一說法是由鴨脷洲街市傳出,誰是真正,不得而知,但六福出品較好是不爭的事實.鮑魚先蒸至七成熟起肉,再回鑊用椒鹽炒,餘下三成兜完後剛剛好.鮑魚有嚼勁,鮑魚味都收結在肉質,椒鹽味雖強,但又不會影響鮑魚的原味,果然是店方名物.

PicturePicture

 

豉椒炒蜆 : 大路水準,沙蜆肉質鮮甜,而且無乜沙,下次有機會應該試用蟶子.

Picture

 

油鹽水浸瀨尿蝦 : 由於部份SIZE較細,一於用來放油鹽水,好讓蝦味能混和在油鹽水內,其實食得咁辛苦,倒不如喝喝充滿精華的湯汁,實在惹味得多.

Picture

 

椒鹽瀨尿蝦 : 昔日灣仔大彿口食坊主打菜,今日隨便找來一間海鮮酒家,水準亦不會相差很遠,是日蝦膏並不澎湃,大小只算是中SIZE,椒鹽味逼不到入蝦肉,有少許失望.

PicturePicture

 

客家鹹菜木耳炆腩仔 : 木耳夠爽脆,可能係中午飯的原故,腩仔炆得未夠時間,其實味道調教得幾惹味,肉汁好香,但始終不入味,可惜.

Picture

 

說來除幾款海鮮類有特色外,個別小菜亦出色,但畢竟有點遠,當是郊遊活動還可以,拉隊過來倒要看看有沒有人陪我癲.

地址 : 西貢市場街49號

電話 : 2792 9966

味道 : 4  

環境 : 3  

服務 : 4  

衛生 : 3  

抵食 : 3

位置 : 3

 

沒有留言:

張貼留言