2011年9月25日 星期日

選擇多又如何?

難得的一天假期,最開心莫過於跟家人去玩,之前在網上購入深圳動物園門票,自行北上,方便又平宜,只可惜園內食肆可以用差來形容,亦提不起勁再食,反正可看的不多,早早便走人.

 

搭的士回世界之窗站只不過是十多分鐘路程,而且商場內有較好的食肆,至少乾淨及多完化一點.

 

回於同行有老人家及小朋友,已經有折扣(當然不及有內地信用卡優惠),但至少食得舒服.

Picture

 

早在上半年到番禺的四海一家,夠大,食物種類又多,感覺真的不錯,但見同集團食肆,理應不會相差太遠.

Picture

由於之前沒訂位,確實花了些時間,而且是先付款入場,跟廣州的不同.

 

環顧店內雖然夠大,但不單在食物種類,顧客服務及坐位舒適度都給番禺店比下去.

 

其實個人最欣賞的是店內各色飲品任飲,不單果汁,啤酒,就連紅酒(當然不是好貨色)與名及花茶都有,完全可以適合任何人士,就單單這點,比起深圳市內幾間大酒店強得多了.

 

之前在公園晒得就快脫水,趕緊來幾杯玫瑰菊花茶去去暑最好.

 

一如以往,總會先向海鮮吧下手,凍蝦,花蟹,生蠔,瀨尿蝦及青口,雖不是什麼名貴海鮮,而且幾款SIZE都是偏細,將貨就價罷!食落雪味不重,凍蝦肉質尚算彈牙,花蟹無乜味,瀨尿蝦更加細到無肉,食幾件已經放棄.

 Picture

至於刺身方面,八爪魚,蟹柳,白鳥貝及三文魚好幾款,不過將合成品蟹柳都當刺身,真的第一次見,內地就係咁攪笑.

 

店內食物種類大致上同其他幾間一樣,就以魚翅撈飯來說,勁濃稠荳粉芡,少得可憐的牙簡翅,貪得意食會好少少,因為飯粒好濕,一舊舊,師傅幾重手.

Picture

湯類除了供應幾十人飲的鱷魚玉竹湯,更有原盅燉湯,前者湯底已經煲至奶白色,但鱷魚味好輕,而後者是金蟲草燉瘦肉湯,而豬肉沒經過汆水,所以有血絲,加上金蟲草帶紅色,望落已經唔想飲,不過呷一口就發覺好清甜,而且份量不多,不經不覺都飲去三幾盅.

Picture

 

至於中式點心望落真係麻麻,實在提不起興趣,反而旁邊是煎海鮮專櫃,扇貝只會出三ROUND,以免給人搶光,試了幾隻,件頭好細,粉絲好乾身,而扇貝煎耐左,肉質結實.

Picture

 

相信現場最受歡迎的,一定是燒蠔吧.一條未停過的人龍,去得算快,穿上牛仔服飾的店員,整日不停手在燒蠔,然後加上蒜茸辣椒醬,的確香口又惹味,不過相比廣州店,所佔位置又好像少了近50%.

 

同位置附近另有鐵板燒三文魚骨腩,少量魚類,牛柳及豬扒等等,師傅可能怕不夠熟,結果是煎完又煎,好熟又無味,一個字講晒~~~~.但一份羊架令人改觀,香羶夠肉味,脂肪油甘豐稔,好食到不得了.

Picture

 

在大堂中央位置,順德大盤魚,用上大量的蝦,什魚,瀨尿蝦,貝殼類一齊煮大鯰魚,湯底是各類海鮮的精華所在,每口一都似是呷著海鮮濃湯,可惜之前沒踫,到想試已經所剩無幾.

PicturePicturePicture

 

肉類食得太多,來一碟灼菜清清腸胃,生菜,菠菜加通菜,完全綠油油,又夠鮮甜,純個人認為,內地除食雞之外,食菜就最好味.

Picture

Picture

 

說到底,店方做到適合不同年齡人士,即製棉花糖機與及A貨珍寶珠,都成為小朋友圍繞的一角.

PicturePicture

 

到埋尾的時候,先來一份Haagen-Dazs,但店方亦是限量供應,每次一球,排三幾次隊已經無,太少了!水果雖然都有十種八種挑選,但都是蘋果,西瓜一類大路貨,興趣不大.

Picture

 

如果單以食物種類而言,的確可觀,但水準都只是一般,而部份特別菜色,更加是限時限刻出現,轉過頭已經給人搶光,加上近年開始有其他新興BUFFET專門店出現,京基百納購物空間的金錢豹可說是近日人氣店,客源相信都會給分薄.

Picture

 

下次再分享其他深圳市內的BUFFET好了!

地址 :  南山華僑城深南大道9028號-1益田假日廣場L3層

電話 : (0755) 8982 9988

味道 : 3  

環境 : 4  

服務 : 3  

衛生 : 4  

抵食 : 4

沒有留言:

張貼留言