2022年1月24日 星期一

環球式新春盤菜 @ 十里湘薈 ( 尖沙咀圓方 )

 


近排疫情嚴峻,可以既團年飯都係留係屋企食算啦!





上次冬至試過酒店盆菜,水準不錯,但只提供四人份量,而今次因為人數較多,就轉下另一間位於圓方內的「十里湘薈」。




餐廳位於圓方,就係九龍站上蓋,其實都幾方便。




本身6位用($1888),計落每位$315左右,而12位用更抵食($2988),人均不用$250,果然係人越多越抵食。













盤菜配料相當豐富,上層是有柔韌的南非鮑魚、滑溜的關西刺参、滋補的花膠、豐腴的小元蹄,加埋北京鴨、鹹雞、鵝掌、日本花菇及來自荷蘭的有機花菜,置底是芋頭、蘿蔔、腐竹及娃娃菜,用銻盤擺放,再用保溫袋包裝,一拎就走得。




至於鮑魚醬汁,係另外用膠樽裝起,食之前倒返落盤菜翻熱,喜歡的更加可以自行買些少生菜,用電磁爐邊滾邊食。

最鍾意食到尾聲,蘿蔔同芋頭已經炆到淋,仲未盡吸其他食材的味道,正。





大家更加無須另行煮飯,因為但凡訂6位以上盤菜,會附送加入日本花菇、臘腸及臘肉去煮的「十里臘味香飯」,好乾身又惹味,家陣諗起都想食。

今個新年相信好多人會選擇乖乖地係屋企圍爐取暖食飯打機!

Facebook 專頁 : 十里湘薈

地址 : 尖沙咀柯士甸道西1ELEMENTS圓方11008

 

電話 : 2337 2883

 

味道 : 4  環境 : 4  服務 : 4  衛生 : 4  抵食 : 4  位置 : 4

 

希望各位喜歡這篇文章的朋友請在我的專頁上剔"LIKE"當作小小的鼓勵吧!謝謝!

 

http://www.facebook.com/foodiephilip

Free Flow 清酒 Asahi Dry 既日式午餐 @ Musubi Hiro ( 中環 )



 

昔日係中環上班,中午搵食的確是苦事,事隔多年,閣麟街一帶變化真大,不少食肆都年輕化了。

囝囝考完試反正有空,一於兩父子掉低太太來個私聚。






午間餐廳有Set Lunch 提供,只不過$148,已經包括3款前菜、主菜及free flow 飲品。

最誇張係飲品種類已超越奶茶咖啡行列,加入清酒、mocktailAsahi Dry

3 Omakase Starters

前菜有三款沙律。







先講講松露蛋沙律,雖然賣相一般,但松露味不會太強烈,加入薯仔有種粉嫩的感覺,幾好。

海藻沙律加入了紫洋蔥,味道清新怡人。

至於辣肉腸、蝦及蛋沙律就好有嚼口。

Daily Soup




基本上每天不同,而今日是牛肉味噌湯,幾啖飲完份量,加入了洋蔥及甘筍去熬煮,帶些少甜味,不錯。

主菜

每款都會配搭日本米、椰菜沙律、玉子及紫菜。

主菜有炸雞、日式叉燒、燒茄子、燒鰻魚(另加$28)或牛面頰(另加$48





燒鰻魚足足有兩大片,差不多等於一條的份量,日本飯團足足有兩球,連同其他配菜,又真係幾飽肚。





鰻魚軟熟可口,些少碎骨是預期之內,飯團灑上芝麻及紫菜碎令口感更佳。





至於牛面頰是大廚homemade,足足有4大片,其實大可與同行朋友share肉質煮至軟稔入味,送飯一流。

Free Flow Drinks







以未計加一收$148,竟然可以 free flow 飲品,仲要有Hiro MocktailHiro Ice TeaHot TeaSparkling、蒸餾水、清酒、白酒、紅酒及Asahi Dry多種選擇,CP值真係同區難尋對手。




清酒是「真野鶴」本釀造,雖說是辛口,但感覺又平和,free flow當然不可以太高要求,原枝上任飲已經誠意十足。

Mocktail是熱情果漿加椰子及青檸汁,酸酸甜甜,又有椰子的幽香,好有夏日氣息,或者暑假日子飲仲好。




仲有一杯大廚推介,不在free flow之列的Cocktail,內裡是芥末糖漿中,加入清酒及青檸汁,味道好特別,但芥末個人覺得稍微重手,蓋過了酒香,不過飲落又幾特別。




若是意猶未盡,大可加錢享用其他小食,基本上有炸日本蠔($30/3隻)、炙牛舌($35)、日式漢堡扒($30)及是日甜品($25




蠔是即炸,熱辣辣的,外脆內嫩,佐酒一流,反正係free flow,飲多兩杯都得。




而甜品是即製蘋果金寶,份量輕盈,兩三啖食完,不過都幾甜下,可以一試。





同大廚太好傾,私人醒件「加拿大海膽吞拿魚他他壽司」,海膽鮮甜,入口即化的感覺美妙,他他亦覺綿滑,好味。

齋食套餐仲要free flow飲品,加埋一都係$170有找,個人覺得性價比好高。

地址 : 中環閣麟街37號地

 

電話 : 5597 6911

 

味道 : 4  環境 : 3  服務 : 4  衛生 : 4  抵食 : 5  位置 : 4

 

希望各位喜歡這篇文章的朋友請在我的專頁上剔"LIKE"當作小小的鼓勵吧!謝謝!

 

http://www.facebook.com/foodiephilip

2022年1月23日 星期日

奇華餅家賀年禮盒2022

 


仲有十幾日就到新年,就算疫情下大家減少出外用膳,都少不免要同親友拜年。

難得可以聚聚,倒不如係屋企沖杯茶,煎底糕,食下點心,又是另一種開心share


今年「奇華餅家」繼續聯乘 LINE FRIENDS,推出LINE FRIENDS WITH KEE WAH BAKERY糖果禮盒套裝」(內含四款 Line Friends 扇形糖果罐及「LINE FRIENDS WITH KEE WAH BAKERY 玻璃密封瓶」)、「黑糖薑汁年糕禮盒」、「奇華什錦曲奇禮盒」及「奇華臘味蘿蔔糕」劵。







率先介紹LINE FRIENDS WITH KEE WAH BAKERY 禮盒」$178)(會員價$168),內裡有 Brown 芝麻花生軟糖(8件裝)、Cony南瓜籽脆糖(8件裝)、Choco南棗合桃糕(8件裝)、 Sally 花生脆糖(8件裝)以及 Line Friends with Kee Wah Bakery 玻璃密封瓶乙個。




「奇華什錦曲奇禮盒」則有腰果牛油曲奇、小紅莓牛油曲奇及杏仁片朱古力曲奇(各九件)($100)。

單係上述兩款,已經可以放係「全盒」,花樣多又美味。

打打下麻雀肚餓點好?





又可以煎「黑糖薑汁年糕禮盒」或者「奇華臘味蘿蔔糕」,簡單方便。

祝大家新一年「步步高陞」、「百毒不侵」。

(網店傳送門 : https://bit.ly/3przdhG

#奇華餅家
#奇華
#keewah
#keewahbakery
#賀年禮劵

#賀年禮盒

#臘味蘿蔔糕

#亞嫲糖年糕

#蝴蝶酥

#杏仁條

#鳳梨金酥

#蛋卷

#賀年小食

 

希望各位喜歡這篇文章的朋友請在我的專頁上剔"LIKE"當作小小的鼓勵吧!謝謝!

 

http://www.facebook.com/foodiephilip

2022年1月22日 星期六

重拾失落情懷 @ Cafe, Hyatt Regency ( 尖沙咀 )

 


過完聖誕,好快又到新年,係兩個假期中,就係囝囝考試的日子,整整兩個星期,謝絕一切應酬,就連食評都暫停一段日子。

終於熬過了,當然要同囝囝食餐好的。





反正星期五西線無戰事,晚餐又無可能,乾脆去享受難得食到既下午茶。





上次8號風球下同太太係尖沙咀凱悅酒店二人世界 Afternoon Tea,今次換人,拉囝囝試下新出既「港式冬日下午茶」

Afternoon Tea Set 只在星期一至星期六(假日除外)下午三時至下午五時供應,而供應期由201213日至228日(兩位用$518),總算橫跨了新年。

鹹點




港式鮑魚撻

原隻鮑魚上,份外覺得矜貴,鮑魚雖不算大,但絕非「蝦毛」貨色,撻皮亦覺鬆化,好味。




經典芝麻蝦多士

炸得恰好,色澤金黃,又毫無油膩感,加入芝麻令味道更香。





蜜汁叉燒酥
外層酥化,烘至少許焦香而不過火,餡料可以更飽滿一些,好簡單因為我鍾意食叉燒嘛!





炸龍蝦春卷配甜酸醬

炸功又係好得,春卷皮脆而不油,內裡龍蝦肉鮮甜可口,喜歡的,大可蘸點甜酸醬。

甜點





英式蘋果鬆餅

當中有原味及加入蘋果肉兩種口味,最難得係比一般細件,份量啱啱好,塗上果醬或Clotted Cream 更添美味。




雲呢拿杏仁蛋糕煉奶吉士

Vanilla Madeleine 咬落幾鬆軟,好香雲呢拿及杏仁味,不錯。




雜果仁撻招牌糖漿

撻皮內盡是合桃果仁,再塗上一層糖漿,原以為會好甜,但實際係乾果味好突出,我鍾意。




普洱茶五香粉曲奇

用普洱茶入饌經常見,但加埋五香粉又真係好有中式甜點的感覺,其實五香粉的份量要拿捏好準,稍微過火,味道會好嗆喉,今次處理得幾好,兩者的平衡都做到,而且幾鬆脆。





合桃泡芙條、金箔

很簡單的組合,泡芙條質感恰如其分,塗上一層朱古力醬,令人感覺豐腴,再加上合桃粒,多了一層口感。










牛奶朱古力火鍋配櫻桃及草莓(Chef Gary's milk chocolate fondue, cherries, strawberries
Afternoon Tea 加入朱古力火鍋完素,增強了視覺效果,配上新鮮櫻桃及草莓,蠟燭火熱度恰好,不會令朱古力變焦,又有專用小叉,草莓輕輕在朱古力漿中滾動,彷彿穿上薄薄的一件甜美衣裳,真是人間美味。

每位客人可在杏仁奶茶、黑糖薑母茶或懷舊紅豆冰中選擇其一。

今次只保留了紅豆冰,其他兩款都轉了。




奶茶的杏仁味未算突出,可能大澎湃,會令人有杏霜的感覺吧!但論茶底,依然是滑溜有茶香的。




囝囝將紅冰豆喝過清光,紅豆都一掃而空,試了幾粒紅豆,煮得好綿,亦有起沙的口感。

其實,香港仲有好多令人懷念,充滿本土情懷的飲品,保衛爾牛肉汁、和尚跳海、美祿、黑牛同白雪公主,大家又有無飲過吖?

Facebook : Hyatt Regency Hong Kong,Tsim Sha Tsui

地址 : 尖沙咀河內道18號香港尖沙咀凱悅酒店大堂樓

 

電話 : 3721 7700 / 3721 7701

 

味道 : 4  環境 : 4  服務 : 5  衛生 : 5  抵食 : 5  位置 : 5

 

希望各位喜歡這篇文章的朋友請在我的專頁上剔"LIKE"當作小小的鼓勵吧!謝謝!

 

http://www.facebook.com/foodiephilip